طالبہ لائبہ اعجاز سے فراڈ کا ملزم پولیس مقابلے میں ہلاک، ساتھیوں کی فائرنگ سے زخمی ہوا

طالبہ لائبہ اعجاز سے فراڈ کے الزام میں زیرِ حراست ملزم محمد نعمان پولیس مقابلے کے دوران ہلاک ہوگیا۔ پولیس کے مطابق ملزم کو برآمدگی کے لیے لے جایا جا رہا تھا کہ اس کے ساتھیوں نے پولیس ٹیم پر فائرنگ کردی۔

پولیس حکام کا کہنا ہے کہ دو موٹر سائیکلوں پر سوار ملزمان نے پولیس ٹیم پر اندھا دھند فائرنگ کی، جس کے دوران زیرِ حراست ملزم محمد نعمان اپنے ہی ساتھیوں کی گولی لگنے سے زخمی ہوگیا۔ اسے فوری طور پر اسپتال منتقل کیا گیا، تاہم وہ جانبر نہ ہوسکا۔

پولیس کے مطابق فائرنگ کے واقعے میں پولیس اہلکار بلٹ پروف جیکٹس اور حفاظتی اقدامات کے باعث محفوظ رہے۔ واقعے کے بعد ملزم کے دیگر ساتھیوں کی گرفتاری کے لیے سرچ آپریشن جاری ہے۔