چین اور برطانیہ میں تعاون بڑھانے پر اتفاق، اختلافات مذاکرات سے حل کرنے پر زور

چینی صدر شی جن پنگ اور برطانوی وزیراعظم اینڈی برنہم کے درمیان ٹیلی فونک رابطہ ہوا، جس میں دونوں رہنماؤں نے چین اور برطانیہ کے درمیان تعاون مزید بڑھانے اور باہمی مفادات کو آگے بڑھانے پر اتفاق کیا۔

شی جن پنگ نے کہا کہ چین اور برطانیہ کے درمیان اختلافات کے مقابلے میں مشترکہ مفادات کہیں زیادہ ہیں، اس لیے دونوں ممالک کو اختلافات پر قابو پاتے ہوئے باہمی مفاد پر مبنی تعاون کو مزید وسعت دینی چاہیے۔

چینی صدر نے زور دیا کہ دونوں ممالک کو ٹیکنالوجی، تعلیم، صحت اور مالیاتی شعبوں میں تعاون مضبوط بنانا چاہیے۔ انہوں نے برطانیہ میں چینی سرمایہ کاروں کے جائز حقوق اور مفادات کے تحفظ کو یقینی بنانے کی ضرورت پر بھی زور دیا۔

برطانوی وزیراعظم اینڈی برنہم نے کہا کہ چین اور برطانیہ کے درمیان عملی تعاون اقتصادی ترقی اور عوام کے معیارِ زندگی کو بہتر بنانے میں اہم کردار ادا کرسکتا ہے۔ انہوں نے دونوں ممالک کے درمیان باہمی تعاون کو مزید وسعت دینے کی اہمیت پر زور دیا۔

برطانوی میڈیا کے مطابق ٹیلی فونک گفتگو کے دوران دونوں رہنماؤں نے روس یوکرین جنگ، انسانی حقوق اور دیگر اہم عالمی و باہمی امور پر بھی تبادلہ خیال کیا۔