بھارتی میڈیا پر ڈرامہ نگاری جاری تھی، پاکستان نے دنیا کے سامنے حقائق رکھے: عطا تارڑ
: وفاقی وزیر اطلاعات عطا تارڑ نے کہا ہے کہ بھارتی میڈیا پر جنگی کشیدگی کے دوران ڈرامہ نگاری اور سنسنی خیزی کا بازار گرم تھا، جبکہ پاکستان نے دنیا کے سامنے حقائق پیش کیے۔
(اسلام آباد ) اسلام آباد میں پریس کانفرنس کرتے ہوئے عطا تارڑ نے کہا کہ سچائی دشمن کے لیے ناقابلِ برداشت تھی، اسی لیے بھارتی حکومت نے خوف کے باعث پاکستانی یوٹیوب چینلز پر پابندیاں لگائیں۔ انہوں نے کہا کہ پاکستان نے جوابی پابندیوں کے بجائے اپنی ڈیجیٹل حکمت عملی تبدیل کی۔
وفاقی وزیر اطلاعات کے مطابق بھارتی چینلز پر جاری "کامیڈی اور تھیٹر" جنگی تناؤ کے دوران ایک طرح کا ریلیف بن گئے تھے۔ انہوں نے انکشاف کیا کہ پاکستانی ٹیم نے بھارتی مقامات کو جیو ٹیگ کرکے وہاں کے صارفین تک ملی نغمے، مسلح افواج کے ترانے اور جے ایف-17 تھنڈرکی ویڈیوز پہنچائیں۔
عطا تارڑ نے کہا کہ ان ڈیجیٹل مہمات کے بعد بھارتی عوام اپنی حکومت سے سوالات کرنے لگے، جبکہ ہر سوشل میڈیا پلیٹ فارم کیلئے الگ حکمت عملی اپنائی گئی جس کے مثبت اور دور رس نتائج سامنے آئے۔
انہوں نے وزیراعظم شہباز شریف کے وژن اور عسکری قیادت خصوصاً فیلڈمارشل عا صم کی دفاعی و سفارتی کوششوں کو سراہتے ہوئے کہا کہ سول و عسکری قیادت کی ہم آہنگی سے پاکستان دفاعی اور معاشی میدان میں مزید مضبوط ہوگا۔
Web Desk
Media Channel
شائع ہوا: 7 مئی، 2026 کو 04:37 PM
آخری تدوین: 7 مئی، 2026
