برطانیہ نے سعودی عرب کی دفاعی فضائی ری فیولنگ کی درخواست منظور کرلی

لندن: برطانوی وزیراعظم اینڈی برنہم نے سعودی عرب کی محدود مدت کے لیے دفاعی فضائی ری فیولنگ کی درخواست منظور کرلی ہے۔ برطانیہ سعودی طیاروں کو دفاعی کارروائیوں کے دوران فضائی ری فیولنگ کی سہولت فراہم کرے گا۔

برطانوی وزیراعظم کے مطابق سعودی عرب کی جانب سے فوجی مدد کی درخواست موصول ہوئی تھی، جس پر وزیر دفاع اور وزیر خارجہ کے مشورے کے بعد اس درخواست کو منظور کیا گیا۔ ان کا کہنا تھا کہ یہ تعاون خطے میں وسیع تر استحکام اور اہم فضائی و تجارتی راستوں کو کھلا رکھنے میں مدد دے گا۔

برطانیہ اس مقصد کے لیے ایک RAF Voyager طیارہ تعینات کرے گا، جس کی مدد سے سعودی طیاروں کو دفاعی مشنز کے دوران فضائی ایندھن فراہم کیا جائے گا۔ یہ تعاون محدود مدت کے لیے ہوگا اور اس کا جائزہ بھی جاری رکھا جائے گا۔

رپورٹس کے مطابق برطانوی مدد سعودی طیاروں کی دفاعی کارروائیوں تک محدود ہوگی اور حوثیوں کے خلاف جارحانہ حملوں میں براہِ راست معاونت شامل نہیں ہوگی۔ یہ فیصلہ سعودی عرب پر حوثی حملوں میں اضافے کے تناظر میں سامنے آیا ہے۔

برطانوی وزیراعظم نے کہا کہ سعودی عرب کو حملوں کا سامنا ہے اور خطے میں اہم راستوں کو کھلا رکھنا ضروری ہے، اسی لیے سعودی درخواست منظور کی گئی۔