فاطمہ ثناء پر بڑا جرمانہ، آئی سی سی کوڈ آف کنڈکٹ کی خلاف ورزی پر ڈی میرٹ پوائنٹ

دبئی: آئی سی سی کوڈ آف کنڈکٹ کی خلاف ورزی پر پاکستان ویمنز کرکٹ ٹیم کی کپتان فاطمہ ثناء پر میچ فیس کا 10 فیصد جرمانہ عائد کردیا گیا۔

فاطمہ ثناء کو دو سال کے دوران دوسری مرتبہ ڈی میرٹ پوائنٹ بھی دیا گیا ہے۔ انہوں نے آئی سی سی کوڈ آف کنڈکٹ کے آرٹیکل 2.5 کی خلاف ورزی کی، جس کے تحت کھلاڑی کے آؤٹ ہونے کے بعد نامناسب انداز میں ردعمل یا اشارہ کرنے سے متعلق ضابطے کی خلاف ورزی شامل ہے۔

فاطمہ ثناء نے بھارتی بیٹر شفالی ورما کو آؤٹ کرنے کے بعد پویلین کی جانب اشارہ کیا تھا۔ بعد ازاں انہوں نے میچ ریفری کے سامنے اپنی غلطی تسلیم کرلی۔

فاطمہ ثناء کو اس سے قبل اگست 2025 میں آئرلینڈ کے خلاف میچ کے دوران کوڈ آف کنڈکٹ کی خلاف ورزی پر ایک ڈی میرٹ پوائنٹ دیا گیا تھا۔

آئی سی سی قوانین کے مطابق کسی کھلاڑی کے چار یا اس سے زائد ڈی میرٹ پوائنٹس مکمل ہونے پر اسے ایک ٹیسٹ یا دو ون ڈے یا دو ٹی ٹوئنٹی میچز کے لیے معطل کیا جاسکتا ہے۔

یاد رہے کہ ویمنز ایشیا کپ 2026 کے میچ میں بھارت نے پاکستان کو 7 وکٹوں سے شکست دی تھی۔ دبئی میں کھیلے گئے میچ میں پاکستان نے بھارت کو صرف 56 رنز کا ہدف دیا، جسے بھارتی ٹیم نے 7 وکٹوں کے نقصان کے بغیر حاصل کرلیا۔