وائسز آف امریکا
تازہ خبریں
تازہ ترین

معیشت درست سمت میں گامزن، عوام کو ریلیف دینے کے لیے پیٹرول سستا کیا: وزیر خزانہ محمد اورنگزیب

W
Web Desk
7 جولائی، 2026
معیشت درست سمت میں گامزن، عوام کو ریلیف دینے کے لیے پیٹرول سستا کیا: وزیر خزانہ محمد اورنگزیب

وفاقی وزیر خزانہ محمد اورنگزیب نے کہا ہے کہ معیشت درست سمت میں گامزن ہے، عوام کو ریلیف دینے کے لیے پیٹرولیم مصنوعات کی قیمتوں میں کمی کی گئی، جبکہ بجٹ میں ٹیکس اصلاحات، ایس ایم ایز کے فروغ اور کاروباری آسانیوں کے لیے اہم اقدامات کیے گئے ہیں

وفاقی وزیر خزانہ محمد اورنگزیب نے کہا ہے کہ ملکی معیشت درست سمت میں گامزن ہے اور حکومت کی معاشی اصلاحات کے مثبت نتائج سامنے آنا شروع ہو گئے ہیں۔ انہوں نے کہا کہ عوام کو ریلیف فراہم کرنے کے لیے حکومت نے پیٹرولیم مصنوعات کی قیمتوں میں بھی کمی کی ہے۔

کراچی میں پاکستان بینکنگ سمٹ سے خطاب کرتے ہوئے وزیر خزانہ نے کہا کہ نئے بجٹ میں کاروباری سرگرمیوں کے فروغ، سرمایہ کاری کی حوصلہ افزائی اور معیشت کو دستاویزی شکل دینے کے لیے متعدد اہم اقدامات کیے گئے ہیں۔

انہوں نے بتایا کہ حکومت نے بجٹ میں ایڈوانس ٹیکس، سبسڈی اور سپر ٹیکس میں کمی کی ہے، جبکہ 50 کروڑ روپے تک کاروبار کرنے والے اداروں کے لیے سپر ٹیکس مکمل طور پر ختم کر دیا گیا ہے۔ اس کے علاوہ زرعی مشینری پر ٹیکس کی شرح صفر کر دی گئی ہے اور کسانوں کے لیے آسان قرضوں کی شرائط بھی نرم کی گئی ہیں۔

محمد اورنگزیب کا کہنا تھا کہ تنخواہ دار طبقے پر ٹیکس کا بوجھ کم کیا گیا ہے، جبکہ ریٹیل سیکٹر بھی ٹیکس نیٹ میں شامل ہونے کے لیے آمادگی ظاہر کر رہا ہے، جو ملکی معیشت کے لیے مثبت پیش رفت ہے۔

وزیر خزانہ نے کہا کہ کاروباری برادری کو سہولت فراہم کرنے کے لیے انکم ٹیکس افسران کے اختیارات محدود کیے گئے ہیں، جبکہ ٹیکس نظام کو مزید شفاف اور مؤثر بنانے کے لیے ڈیجیٹلائزیشن اور جدید ٹیکنالوجی کے استعمال کو فروغ دیا جا رہا ہے۔

انہوں نے کہا کہ 25 کروڑ سے زائد آبادی والے ملک میں ٹیکس نیٹ کو وسعت دینا اور ٹیکس نظام کو آسان بنانا وقت کی اہم ضرورت ہے۔ ان کے مطابق حکومت کے معاشی اقدامات کے باعث ملکی جی ڈی پی میں بہتری کے آثار بھی نمایاں ہو رہے ہیں۔

محمد اورنگزیب نے واضح کیا کہ پالیسی ریٹ سے متعلق اعلان کرنا گورنر اسٹیٹ بینک کا اختیار ہے۔ انہوں نے بتایا کہ گزشتہ تین برسوں کے دوران روشن ڈیجیٹل اکاؤنٹس میں 30 کروڑ ڈالر کا اضافہ ہوا، جو بیرون ملک مقیم پاکستانیوں کے بڑھتے ہوئے اعتماد کا مظہر ہے۔

انہوں نے مزید اعلان کیا کہ چھوٹے اور درمیانے درجے کے کاروبار (ایس ایم ایز) کے فروغ کے لیے ایک خصوصی ٹاسک فورس قائم کی جا رہی ہے۔ حکومت، اسٹیٹ بینک، بینکاری شعبے اور دیگر متعلقہ ادارے مل کر ایس ایم ایز کو مالی سہولیات اور آسان قرضوں کی فراہمی یقینی بنائیں گے تاکہ یہ شعبہ قومی معیشت میں مزید مؤثر کردار ادا کر سکے۔

شیئر کریں:
W
Web Desk

Media Channel

شائع ہوا: 7 جولائی، 2026 کو 06:19 AM

آخری تدوین: 7 جولائی، 2026

متعلقہ مضامین

رنبیر کپور کا ہدایتکاری میں ڈیبیو کرنے کا فیصلہ، پہلی فلم کی تیاری شروع
تازہ ترین

رنبیر کپور کا ہدایتکاری میں ڈیبیو کرنے کا فیصلہ، پہلی فلم کی تیاری شروع

بالی ووڈ اسٹار رنبیر کپور نے ہدایتکاری کے میدان میں قدم رکھنے کی تیاری شروع کردی، اداکار اپنی پہلی ڈرامہ فلم کا اسکرپٹ لکھ رہے ہیں اور آئندہ دو سے تین سال میں شوٹنگ شروع کرنے کے خواہشمند ہیں

Web Desk21 نومبر، 2026
ایران تنازع طویل ہونے کا خدشہ، سینٹکام نے ٹرمپ انتظامیہ کو امریکی افواج پر دباؤ سے آگاہ کردیا
تازہ ترین

ایران تنازع طویل ہونے کا خدشہ، سینٹکام نے ٹرمپ انتظامیہ کو امریکی افواج پر دباؤ سے آگاہ کردیا

امریکی سینٹکام نے ٹرمپ انتظامیہ کو خبردار کیا ہے کہ ایران تنازع اگلے سال تک جاری رہنے سے امریکی افواج کی جنگی صلاحیت متاثر ہوسکتی ہے، دفاعی بجٹ اور فوجی تیاریوں پر بھی دباؤ بڑھنے کا خدشہ ہے

Web Desk21 نومبر، 2026
وزیراعظم شہباز شریف کی ریاض میں حوثی حملے کی مذمت، سعودی عرب سے مکمل یکجہتی کا اظہار
پاکستان

وزیراعظم شہباز شریف کی ریاض میں حوثی حملے کی مذمت، سعودی عرب سے مکمل یکجہتی کا اظہار

وزیراعظم شہباز شریف نے ریاض کے کنگ عبداللہ فنانشل ڈسٹرکٹ پر حوثی حملے کی مذمت کرتے ہوئے سعودی عرب کی خودمختاری اور علاقائی سالمیت کے دفاع کے حق کی مکمل حمایت کا اعلان کردیا

Web Desk21 نومبر، 2026