عالمی و مقامی مارکیٹوں میں سونے کی قیمت میں اضافہ، چاندی مستحکم

کراچی: عالمی اور مقامی مارکیٹوں میں سونے کی قیمت میں نمایاں اضافہ ریکارڈ کیا گیا ہے جبکہ چاندی کی قیمت مستحکم رہی۔

بین الاقوامی بلین مارکیٹ میں فی اونس سونے کی قیمت 57 ڈالر اضافے کے بعد 4 ہزار 604 ڈالر کی سطح پر پہنچ گئی۔

عالمی مارکیٹ میں سونے کی قیمت بڑھنے کے اثرات مقامی صرافہ مارکیٹ میں بھی دیکھنے میں آئے، جہاں فی تولہ سونے کی قیمت 5 ہزار 700 روپے کے اضافے سے 4 لاکھ 82 ہزار 936 روپے کی سطح پر آگئی۔

اسی طرح فی 10 گرام سونے کی قیمت میں 4 ہزار 972 روپے کا اضافہ ہوا، جس کے بعد نئی قیمت 4 لاکھ 14 ہزار 39 روپے مقرر ہوگئی۔

دوسری جانب چاندی کی قیمت میں کوئی تبدیلی نہیں ہوئی۔ فی تولہ چاندی 7 ہزار 379 روپے جبکہ فی 10 گرام چاندی 6 ہزار 326 روپے کی سطح پر مستحکم رہی۔