وائسز آف امریکا
تازہ خبریں
تازہ ترین

ایران کے رہنما مارے جا چکے، کسی کو معلوم نہیں ملک کون چلا رہا ہے: ڈونلڈ ٹرمپ

W
Web Desk
7 اکتوبر، 2026
ایران کے رہنما مارے جا چکے، کسی کو معلوم نہیں ملک کون چلا رہا ہے: ڈونلڈ ٹرمپ

امریکی صدر ڈونلڈ ٹرمپ نے دعویٰ کیا ہے کہ ایران کے اہم رہنما مارے جا چکے ہیں اور کسی کو معلوم نہیں کہ اس وقت ایران کی باگ ڈور کس کے ہاتھ میں ہے۔ ایران نے امریکی مؤقف کو مسترد کرتے ہوئے کہا ہے کہ واشنگٹن ایران کے فیصلہ سازی کے نظام سے بخوبی واقف ہے

واشنگٹن: امریکی صدر ڈونلڈ ٹرمپ نے دعویٰ کیا ہے کہ ایران کے اہم رہنما مارے جا چکے ہیں اور اس وقت سب سے بڑا مسئلہ یہ ہے کہ کسی کو معلوم نہیں کہ ایران کی باگ ڈور کس کے ہاتھ میں ہے۔

صحافیوں سے گفتگو کرتے ہوئے ڈونلڈ ٹرمپ نے کہا کہ ایران کے ساتھ جنگ آٹھویں ماہ میں داخل ہو چکی ہے، ایرانی قیادت کا پہلا گروپ ختم ہوچکا جبکہ دوسرا گروپ بھی باقی نہیں رہا۔ ان کے بقول، سب سے بڑا مسئلہ یہ ہے کہ کسی کو معلوم نہیں کہ اس وقت ایران کو کون چلا رہا ہے۔

ٹرمپ کے مطابق ایران کے سپریم لیڈر آیت اللہ علی خامنہ ای 28 فروری کو شروع ہونے والی جنگ کے پہلے روز امریکی اور اسرائیلی حملے میں مارے گئے تھے۔ ان کے بیٹے مجتبیٰ خامنہ ای نے سپریم لیڈر کا منصب سنبھالا، تاہم حملے میں زخمی ہونے کے بعد سے وہ عوامی سطح پر نظر نہیں آئے۔

دوسری جانب ایران کی وزارت خارجہ کے ترجمان اسماعیل بقائی نے امریکی صدر کے مؤقف کو مسترد کرتے ہوئے کہا ہے کہ واشنگٹن بخوبی جانتا ہے کہ ایران میں اس کا فریق کون ہے اور ملک میں فیصلہ سازی کا نظام کیسے کام کرتا ہے۔ ان کے مطابق اصل مسئلہ امریکی حکام کے متضاد بیانات اور پالیسی پیغامات ہیں۔

اس سے قبل میری لینڈ روانگی سے قبل گفتگو میں ٹرمپ نے کہا کہ تیل کی ترسیل اب جنگ سے پہلے کی سطح کے برابر کی جا رہی ہے۔ خطے میں جاری جنگ کے باوجود متبادل راستوں کے ذریعے خلیج سے ایندھن اور تیل کی برآمدات جنگ سے پہلے کی سطح کے قریب پہنچنے کی اطلاعات بھی سامنے آئی ہیں۔

ڈونلڈ ٹرمپ نے مزید دعویٰ کیا کہ ایرانی وزیر کا کہنا ہے کہ ایران کے پاس معیشت نہیں اور نہ ہی تیل موجود ہے۔

شیئر کریں:
W
Web Desk

Media Channel

شائع ہوا: 7 اکتوبر، 2026 کو 10:10 AM

آخری تدوین: 7 اکتوبر، 2026

متعلقہ مضامین

رنبیر کپور کا ہدایتکاری میں ڈیبیو کرنے کا فیصلہ، پہلی فلم کی تیاری شروع
تازہ ترین

رنبیر کپور کا ہدایتکاری میں ڈیبیو کرنے کا فیصلہ، پہلی فلم کی تیاری شروع

بالی ووڈ اسٹار رنبیر کپور نے ہدایتکاری کے میدان میں قدم رکھنے کی تیاری شروع کردی، اداکار اپنی پہلی ڈرامہ فلم کا اسکرپٹ لکھ رہے ہیں اور آئندہ دو سے تین سال میں شوٹنگ شروع کرنے کے خواہشمند ہیں

Web Desk21 نومبر، 2026
ایران تنازع طویل ہونے کا خدشہ، سینٹکام نے ٹرمپ انتظامیہ کو امریکی افواج پر دباؤ سے آگاہ کردیا
تازہ ترین

ایران تنازع طویل ہونے کا خدشہ، سینٹکام نے ٹرمپ انتظامیہ کو امریکی افواج پر دباؤ سے آگاہ کردیا

امریکی سینٹکام نے ٹرمپ انتظامیہ کو خبردار کیا ہے کہ ایران تنازع اگلے سال تک جاری رہنے سے امریکی افواج کی جنگی صلاحیت متاثر ہوسکتی ہے، دفاعی بجٹ اور فوجی تیاریوں پر بھی دباؤ بڑھنے کا خدشہ ہے

Web Desk21 نومبر، 2026
وزیراعظم شہباز شریف کی ریاض میں حوثی حملے کی مذمت، سعودی عرب سے مکمل یکجہتی کا اظہار
پاکستان

وزیراعظم شہباز شریف کی ریاض میں حوثی حملے کی مذمت، سعودی عرب سے مکمل یکجہتی کا اظہار

وزیراعظم شہباز شریف نے ریاض کے کنگ عبداللہ فنانشل ڈسٹرکٹ پر حوثی حملے کی مذمت کرتے ہوئے سعودی عرب کی خودمختاری اور علاقائی سالمیت کے دفاع کے حق کی مکمل حمایت کا اعلان کردیا

Web Desk21 نومبر، 2026