نواز شریف وطن واپس پہنچ گئے، حسن اور حسین نواز بھی ہمراہ

لاہور: سابق وزیراعظم اور مسلم لیگ ن کے قائد نواز شریف وطن واپس پہنچ گئے ہیں۔ ذرائع کے مطابق نواز شریف تقریباً ایک ہفتہ قبل نجی دورے پر سنگاپور روانہ ہوئے تھے۔

ذرائع کا کہنا ہے کہ نواز شریف کے صاحبزادے حسن نواز اور حسین نواز بھی ان کے ہمراہ وطن واپس پہنچے ہیں۔

ذرائع کے مطابق وزیراعلیٰ پنجاب مریم نواز کے داماد چوہدری راحیل منیر اور ڈاکٹر عدنان بھی لاہور پہنچ گئے ہیں۔

نواز شریف کی وطن واپسی ایسے وقت میں ہوئی ہے جب ملکی سیاسی صورتحال میں اہم پیش رفت جاری ہے، تاہم ان کے دورۂ سنگاپور کے حوالے سے مزید تفصیلات سامنے نہیں آسکیں۔