پیٹرول 12 روپے 90 پیسے مہنگا، نئی قیمت 358 روپے 77 پیسے ہوگئی

اسلام آباد: حکومت نے پیٹرولیم مصنوعات کی قیمتوں میں بڑا اضافہ کردیا، جس کے بعد ملک میں پیٹرول مزید مہنگا ہوگیا۔

پیٹرولیم ڈویژن کی جانب سے جاری نوٹیفکیشن کے مطابق پیٹرول کی فی لیٹر قیمت میں 12 روپے 90 پیسے کا اضافہ کیا گیا ہے، جس کے بعد نئی قیمت 358 روپے 77 پیسے فی لیٹر ہوگئی ہے۔

نوٹیفکیشن کے مطابق ہائی اسپیڈ ڈیزل کی قیمت میں بھی 3 روپے 72 پیسے فی لیٹر اضافہ کیا گیا ہے، جس کے بعد ڈیزل کی نئی قیمت 381 روپے 77 پیسے فی لیٹر مقرر کردی گئی ہے۔

حکومت کی جانب سے پیٹرولیم مصنوعات کی نئی قیمتوں کا اطلاق 8 ستمبر سے کیا گیا ہے۔

پیٹرول کی قیمت میں نمایاں اضافے کے بعد شہریوں پر مہنگے ایندھن کا مزید بوجھ پڑنے کا امکان ہے، جبکہ ٹرانسپورٹیشن اور اشیائے ضروریہ کی قیمتوں پر بھی اس کے اثرات مرتب ہوسکتے ہیں۔