حکومت نے پٹرول اور ڈیزل کی قیمتوں میں ایک بار پھر اضافہ کر دیا، نیا نوٹیفکیشن جاری

اسلام آباد: وفاقی حکومت نے پٹرولیم مصنوعات کی قیمتوں میں ایک بار پھر اضافہ کرتے ہوئے نئی قیمتوں کا نوٹیفکیشن جاری کر دیا ہے، جس کے بعد پٹرول اور ہائی اسپیڈ ڈیزل دونوں مہنگے ہو گئے ہیں۔

جاری کردہ نوٹیفکیشن کے مطابق پٹرول کی قیمت میں 3 روپے 66 پیسے فی لیٹر اضافہ کیا گیا ہے، جس کے بعد پٹرول کی نئی قیمت 335 روپے 18 پیسے فی لیٹر مقرر کر دی گئی ہے۔

اسی طرح ہائی اسپیڈ ڈیزل کی قیمت میں 4 روپے 80 پیسے فی لیٹر اضافہ کیا گیا ہے، جس کے بعد ڈیزل کی نئی قیمت 383 روپے 46 پیسے فی لیٹر ہو گئی ہے۔

پٹرولیم ڈویژن کے مطابق نئی قیمتوں کا تعین آئل اینڈ گیس ریگولیٹری اتھارٹی (اوگرا) کی سفارشات کی روشنی میں کیا گیا ہے۔ یہ قیمتیں آج رات 12 بجے سے کل رات 12 بجے تک نافذ العمل رہیں گی۔

ماہرین کے مطابق پٹرولیم مصنوعات کی قیمتوں میں حالیہ اضافے کے باعث ٹرانسپورٹ کے کرایوں، اشیائے خورونوش اور روزمرہ استعمال کی دیگر ضروری اشیاء کی قیمتوں میں مزید اضافہ ہونے کا خدشہ ہے، جس سے مہنگائی کا بوجھ عوام پر مزید بڑھ سکتا ہے۔