صدر مملکت آصف علی زرداری ویانا سے لندن پہنچ گئے، دو ہفتے قیام متوقع

لندن: صدر مملکت آصف علی زرداری ویانا سے لندن پہنچ گئے، جہاں ان کے تقریباً دو ہفتے قیام کا امکان ہے۔

ذرائع کے مطابق صدر مملکت کے برطانیہ میں قیام کے دوران مختلف طبی معائنے بھی متوقع ہیں۔ ذرائع کا کہنا ہے کہ آصف علی زرداری لندن میں قیام کے دوران کسی سیاسی سرگرمی میں حصہ نہیں لیں گے۔

صدر مملکت سے لندن میں مختلف وفود کی ملاقاتیں بھی متوقع ہیں۔ ان کے ہمراہ سینیٹر سلیم مانڈوی والا اور ان کے ذاتی معالج ڈاکٹر عاصم حسین بھی موجود ہیں۔

ذرائع کے مطابق آصف علی زرداری تقریباً چھ سال بعد برطانیہ پہنچے ہیں۔ دوسری جانب چیئرمین پاکستان پیپلز پارٹی بلاول بھٹو زرداری کی بھی آئندہ چند روز میں لندن آمد متوقع ہے۔