ایرانی ڈرون حملے میں ایک اور امریکی فوجی ہلاک، سینٹ کام نے تصدیق کر دی

واشنگٹن: امریکی سینٹرل کمانڈ (سینٹ کام) نے تصدیق کی ہے کہ شمالی عراق میں ایرانی ڈرون حملے کے نتیجے میں ایک اور امریکی فوجی ہلاک ہو گیا ہے۔

سینٹ کام کی جانب سے جاری بیان کے مطابق 18 جولائی کو شمالی عراق میں جاری ایک فوجی کارروائی کے دوران ایرانی ڈرون حملے میں امریکی اہلکار جان کی بازی ہار گیا۔ واقعے کے بعد شروع کیے گئے سرچ اینڈ ریکوری آپریشن کے دوران امریکی فوج کو جائے وقوعہ سے ہلاک ہونے والے اہلکار کی انسانی باقیات بھی مل گئی ہیں۔

امریکی فوج نے واقعے کی تحقیقات شروع کر دی ہیں، جبکہ حملے کے بعد خطے میں موجود امریکی افواج کی سیکیورٹی مزید سخت کر دی گئی ہے۔

یاد رہے کہ اس سے ایک روز قبل بھی امریکی سینٹرل کمانڈ نے اردن میں ایرانی بیلسٹک میزائل حملوں کے نتیجے میں دو امریکی فوجیوں کی ہلاکت اور متعدد اہلکاروں کے زخمی ہونے کی تصدیق کی تھی۔

مسلسل حملوں کے بعد مشرق وسطیٰ میں کشیدگی ایک بار پھر شدت اختیار کر گئی ہے، جبکہ خطے کی سیکیورٹی صورتحال پر عالمی برادری کی تشویش میں بھی اضافہ ہو رہا ہے۔