شام میں داخل ہونے کی کوشش، 100 سے زائد اسرائیلی آبادکار گرفتار

(تل ابیب) اسرائیلی فوج نے شام میں داخل ہونے کی کوشش کرنے والے 100 سے زائد اسرائیلی آبادکاروں کو حراست میں لے لیا ہے۔

رپورٹس کے مطابق جنوری 2025 میں شام کے صدر احمد الشرع کے اقتدار سنبھالنے کے بعد اسرائیل نے شام کے سیکڑوں مربع کلومیٹر علاقے پر اپنا کنٹرول قائم کیا، جبکہ متعدد اسرائیلی آبادکار ان علاقوں میں مستقل بستیاں قائم کرنے کا مطالبہ کر رہے ہیں۔

گرفتار کیے گئے آبادکاروں کا کہنا ہے کہ وہ اس سے قبل بھی کئی مرتبہ شام میں داخل ہو چکے ہیں اور ان کا مقصد جنوب مغربی شام کے اسرائیل کے زیرِ کنٹرول علاقوں میں یہودی بستیاں قائم کرنا ہے۔

آبادکاروں کا مؤقف ہے کہ اگر حکومت ان علاقوں میں نئی بستیاں قائم کرنے کی اجازت دے تو اسرائیل کا کنٹرول مزید مضبوط ہو جائے گا۔

واضح رہے کہ شام کے زیرِ قبضہ علاقوں میں اسرائیلی بستیوں کی تعمیر کا معاملہ بین الاقوامی سطح پر متنازع سمجھا جاتا ہے اور اس پر مختلف ممالک اور عالمی ادارے متعدد بار تحفظات کا اظہار کر چکے ہیں۔