جیفری ایپسٹین کے نام ٹرمپ کا مبینہ فحش خط منظرِ عام پر لانے والے صحافیوں کے لیے ایوارڈ کا اعلان

واشنگٹن: وائٹ ہاؤس میں منعقد ہونے والے رپورٹروں کے سالانہ ڈنر کے دوران امریکی صدر ڈونلڈ ٹرمپ اور بدنام زمانہ سرمایہ کار جیفری ایپسٹین سے متعلق تنازع ایک بار پھر موضوعِ بحث بن گیا۔ تقریب میں ان صحافیوں کے لیے ایوارڈ کا اعلان کیا گیا جنہوں نے جیفری ایپسٹین کے نام ڈونلڈ ٹرمپ کا مبینہ خط منظرِ عام پر لانے کی رپورٹنگ کی۔

غیر ملکی میڈیا رپورٹس کے مطابق تقریب میں صدر ڈونلڈ ٹرمپ بھی شریک ہوئے، جہاں انہوں نے اپنی تقریر کے دوران صحافیوں پر طنزیہ جملے بھی کسے۔

رپورٹس کے مطابق ایوارڈ کا اعلان ان صحافیوں کی پیشہ ورانہ خدمات کے اعتراف میں کیا گیا جنہوں نے جیفری ایپسٹین سے متعلق متنازع دستاویزات اور مبینہ خط کی رپورٹنگ کی۔

یاد رہے کہ حالیہ دنوں میں بعض امریکی میڈیا اداروں نے دعویٰ کیا تھا کہ ڈونلڈ ٹرمپ نے جیفری ایپسٹین کی 50ویں سالگرہ کے موقع پر ایک مبینہ خط لکھا تھا، جس کے مندرجات پر سیاسی اور قانونی حلقوں میں بحث جاری ہے۔ تاہم، ڈونلڈ ٹرمپ اس دعوے کی تردید کر چکے ہیں اور ان کا مؤقف ہے کہ یہ خط جعلی ہے۔

اس معاملے نے امریکی سیاسی منظرنامے میں ایک نئی بحث کو جنم دیا ہے، جبکہ اس حوالے سے مختلف حلقوں کی جانب سے متضاد مؤقف سامنے آ رہے ہیں۔