27 ستمبر کا احتجاج اٹل، فیصلے پر نظرثانی نہیں کر سکتے: بیرسٹر گوہر

چیئرمین پاکستان تحریک انصاف بیرسٹر گوہر نے کہا ہے کہ 27 ستمبر کا احتجاج اٹل ہے اور احتجاج کے فیصلے پر نظرثانی نہیں کی جا سکتی۔

اپنے بیان میں بیرسٹر گوہر کا کہنا تھا کہ کارکنوں کی پکڑ دھکڑ شروع کردی گئی ہے، تاہم پی ٹی آئی نے واضح کیا ہے کہ احتجاج کے دوران کسی کارکن کے ہاتھ میں لاٹھی یا غلیل نہیں ہوگی۔

انہوں نے کہا کہ صوبوں کے قیام کا معاملہ ایک سنجیدہ اور عوامی مسئلہ ہے، جس پر سنجیدگی سے بات ہونی چاہیے۔

بیرسٹر گوہر نے مزید کہا کہ وزیراعظم کو نئے چیف الیکشن کمشنر کی تعیناتی کے لیے اپوزیشن لیڈر سے بات چیت میں پہل کرنی چاہیے۔