خالصتان کارکنوں کا پانچ مغربی ممالک میں بھارتی سفارتی مشنز کے باہر احتجاج، واشنگٹن میں بھارتی سفارتخانے کی ناکہ بندی

واشنگٹن: خالصتان کے حامی گروپ سکھ فار جسٹس (SFJ) نے امریکا، کینیڈا، برطانیہ، آسٹریلیا اور نیوزی لینڈ میں بھارتی سفارتی مشنز کے باہر بیک وقت احتجاجی مظاہرے کیے، جبکہ واشنگٹن میں بھارتی سفارتخانے کی علامتی ناکہ بندی بھی کی گئی۔

سکھ گروپ کے مطابق یہ احتجاج 4 جولائی 1955 کے تاریخی واقعے کی 71ویں برسی کے موقع پر منعقد کیے گئے۔

ایس ایف جے کے رہنماؤں ڈاکٹر بخشیش سنگھ سندھو اور گرپتونت سنگھ پنوں نے اپنے بیانات میں کہا کہ خالصتان ریفرنڈم کی مہم جاری رہے گی اور سکھوں کے حقِ خود ارادیت کے مطالبے کو جمہوری طریقے سے آگے بڑھایا جائے گا۔