کینیڈا میں خالصتان ریفرنڈم: ہر سکھ ووٹ ڈال سکتا ہے، ڈاکٹر بخشش سندھو

البرٹا، کینیڈا: خالصتان کونسل کے قائد ڈاکٹر بخشش سندھو کا کہنا ہے کہ کینیڈا میں منعقد ہونے والے خالصتان ریفرنڈم میں سکھ برادری سے تعلق رکھنے والا ہر شخص ووٹ ڈال سکتا ہے۔

ڈاکٹر بخشش سندھو نے یہ بات کینیڈا کے صوبے البرٹا میں 18 اکتوبر کو ہونے والے خالصتان ریفرنڈم کی تیاریوں کے سلسلے میں میڈیا سے گفتگو کرتے ہوئے کہی۔

ڈاکٹر سندھو کے مطابق ریفرنڈم میں سکھ برادری کے افراد کو اپنی رائے کے اظہار کا موقع فراہم کیا جائے گا۔ ایڈمنٹن، البرٹا میں ہونے والے اس ریفرنڈم کے لیے تیاریاں مکمل ہونے کے حوالے سے بھی آگاہ کیا گیا ہے، جبکہ کینیڈا سمیت امریکا اور یورپ سے سکھ برادری کے افراد کی آمد کا سلسلہ جاری ہے۔

خالصتان ریفرنڈم سکھ برادری کے ایک حصے کی جانب سے خالصتان کے قیام سے متعلق رائے جاننے کی کوشش ہے۔ اس حوالے سے ہونے والی سرگرمیاں کینیڈا اور دیگر ممالک میں توجہ کا مرکز بنی ہوئی ہیں۔