شہید آیت اللہ علی خامنہ ای مشہد میں سپردِ خاک، لاکھوں افراد کی آخری رسومات میں شرکت

ایران کے شہید سپریم لیڈر آیت اللہ علی خامنہ ای کو مشہد میں حضرت امام علی رضاؑ کے روضۂ مبارک کے احاطے میں سپردِ خاک کر دیا گیا۔

آخری رسومات میں بڑی تعداد میں عوام نے شرکت کی۔ شہید رہبرِ اعلیٰ کی نمازِ جنازہ ان کے صاحبزادے مصطفیٰ خامنہ ای نے پڑھائی۔ مشہد کی سڑکوں پر شہریوں کی بڑی تعداد اپنے رہنما کو الوداع کہنے کے لیے موجود رہی۔

اطلاعات کے مطابق آیت اللہ علی خامنہ ای کا جسدِ خاکی نجف سے ایران کے شہر مشہد منتقل کیا گیا۔ اس سے قبل میت کو عراق کے شہر کربلا میں حضرت امام حسینؑ اور حضرت عباسؑ کے روضوں پر بھی لے جایا گیا، جہاں نمازِ جنازہ ادا کی گئی اور عقیدت مندوں نے آخری دیدار کیا۔

عراقی حکام کے مطابق عراق میں منعقد ہونے والے تعزیتی جلوس میں ایک کروڑ سے زائد افراد نے شرکت کی۔

یاد رہے کہ آیت اللہ علی خامنہ ای 28 فروری کو ایران پر ہونے والے امریکی اور اسرائیلی حملوں میں جاں بحق ہوئے تھے۔ ان کی تدفین کے بعد ایران سمیت خطے بھر میں تعزیتی تقریبات اور دعائیہ اجتماعات کا سلسلہ جاری ہے۔