مذاکرات کا مقصد قومی حقوق کا دفاع ہے، سر تسلیم خم کرنا نہیں: ایرانی صدر مسعود پزشکیان

(تہران) ایرانی صدر مسعود پزشکیان کا کہنا تھا کہ دشمن کے سامنے جھکنا ایران کی تاریخ اور پالیسی کا حصہ نہیں رہا، جبکہ سفارتی کوششیں صرف اور صرف ملکی مفادات کے تحفظ کے لیے جاری ہیں۔انہوں نے مزید کہا کہ جنگ بندی کے باوجود ایران کی بندرگاہوں کی غیرقانونی ناکہ بندی جاری رکھنا وعدہ خلافی کے مترادف ہے، جو خطے میں کشیدگی کو مزید بڑھا رہا ہے۔

اس حوالے سے ایران کے نائب وزیر خارجہ کاظم غریب آبادی نے بھی سخت مؤقف اختیار کرتے ہوئے کہا کہ آبنائے ہرمز کے اردگرد جنگی جہازوں کی تعیناتی صورتحال کو بہتر بنانے کے بجائے مزید بگاڑ سکتی ہے۔ ان کے مطابق اس طرح کی عسکری موجودگی بحران میں اضافے کا سبب بنے گی۔

تجزیہ کاروں کے مطابق خطے میں بڑھتی ہوئی کشیدگی اور بحری راستوں پر تنازع عالمی توانائی اور تجارت پر بھی اثر انداز ہو سکتا ہے، جبکہ ایران اپنے مؤقف کو سفارتی اور سیاسی سطح پر مزید مضبوط انداز میں پیش کر رہا ہے۔