میری لینڈ میں ’’پیس آف ہارٹ‘‘ کانفرنس، قرآن و سنت کی تعلیمات پر خصوصی خطاب

بالٹی مور: امریکی ریاست میری لینڈ کے شہر بالٹی مور میں ’’پیس آف ہارٹ‘‘ کانفرنس کا انعقاد کیا گیا، جس میں مردوں اور خواتین کی بڑی تعداد نے شرکت کی۔

کانفرنس سے شیخ المکرم حضرت امیر عبدالقدیر اعوان نے خطاب کرتے ہوئے کہا کہ قرآن کریم محض تلاوت کی کتاب نہیں بلکہ مکمل ضابطۂ حیات اور انسان کی رہنمائی کا ذریعہ ہے۔ اس کی تعلیمات کو سمجھنا اور عملی زندگی میں اپنانا حقیقی کامیابی ہے۔

انہوں نے نماز کو اللہ تعالیٰ سے تعلق مضبوط بنانے جبکہ زکوٰۃ کو غربت کے خاتمے اور مستحق افراد کی مدد کا اہم ذریعہ قرار دیا۔ شرکاء پر زور دیا گیا کہ وہ اسلامی تعلیمات کو عبادات کے ساتھ اپنے کردار اور روزمرہ معاملات میں بھی اختیار کریں۔