بابر اعظم کی کپتانی سے اچھے نتائج کی امید ہے، سرفراز احمد

کراچی: پاکستان ٹیسٹ ٹیم کے ہیڈ کوچ سرفراز احمد نے کہا ہے کہ ٹیسٹ کپتان بابر اعظم کی قیادت میں قومی ٹیم سے مثبت اور بہتر نتائج کی توقع ہے۔سرفراز احمد نے بتایا کہ پاکستان ٹیسٹ ٹیم کا تربیتی کیمپ کل سے اسلام آباد میں شروع ہو رہا ہے، جس کا بنیادی مقصد کھلاڑیوں کی فٹنس کو مزید بہتر بنانا ہے۔

انہوں نے کہا کہ اس سے قبل بھی ایک تربیتی کیمپ منعقد کیا گیا تھا، جہاں فٹنس سے متعلق بعض مسائل سامنے آئے تھے۔ ان میں سے کئی مسائل حل کر لیے گئے ہیں جبکہ باقی پر نئے کیمپ کے دوران کام کیا جائے گا۔

سرفراز احمد کا کہنا تھا کہ ان کی ٹیسٹ کپتان بابر اعظم سے بات چیت ہوئی ہے اور انہیں یقین ہے کہ وہ ٹیم کو مؤثر انداز میں آگے لے کر جائیں گے۔ انہوں نے کہا کہ بابر اعظم کی کپتانی میں پاکستان ٹیسٹ ٹیم سے اچھے نتائج کی امید ہے۔