سابق آسٹریلوی کرکٹر شین ڈائٹز پاکستان ویمنز کرکٹ ٹیم کے ہیڈ کوچ مقرر

سابق آسٹریلوی کرکٹر شین ڈائٹز پاکستان ویمنز کرکٹ ٹیم کے نئے ہیڈ کوچ مقرر ہوگئے۔ وہ ویسٹ انڈیز سیریز سے ذمہ داریاں سنبھالیں گے، جبکہ 2028 ٹی ٹوئنٹی ورلڈ کپ میں پاکستان کو کامیابی دلانا ان کا ہدف ہے
لاہور: پاکستان کرکٹ بورڈ نے سابق آسٹریلوی کرکٹر شین ڈائٹز کو پاکستان ویمنز کرکٹ ٹیم کا ہیڈ کوچ مقرر کر دیا ہے۔ وہ ویسٹ انڈیز کے خلاف سیریز سے اپنی نئی ذمہ داریاں سنبھالیں گے۔
شین ڈائٹز کو پاکستان ویمنز کرکٹ ٹیم کی کوچنگ کی ذمہ داری ایسے وقت میں سونپی گئی ہے جب ٹیم کی کارکردگی بہتر بنانے اور مستقبل کے بڑے ایونٹس کی تیاری پر توجہ دی جا رہی ہے۔
اس سے قبل پاکستان کے سابق فاسٹ بولر وہاب ریاض قومی ویمنز ٹیم کے مینٹور کی ذمہ داریاں انجام دے رہے تھے۔
شین ڈائٹز کو بین الاقوامی کرکٹ میں کوچنگ کا وسیع تجربہ حاصل ہے۔ وہ اس سے قبل ویسٹ انڈیز، بنگلا دیش اور نیدرلینڈز کی ویمنز کرکٹ ٹیموں کے ساتھ بھی کام کر چکے ہیں۔
پاکستان ویمنز ٹیم کے نئے ہیڈ کوچ شین ڈائٹز کا کہنا ہے کہ ان کا بڑا ہدف 2028 میں پاکستان میں ہونے والے ہوم ٹی ٹوئنٹی ورلڈ کپ میں شائقین کرکٹ کو خوشیاں دینا ہے۔
ان کی تقرری کو پاکستان ویمنز کرکٹ ٹیم کی آئندہ بین الاقوامی مصروفیات اور 2028 کے ٹی ٹوئنٹی ورلڈ کپ کی تیاریوں کے حوالے سے اہم پیش رفت قرار دیا جا رہا ہے۔
شائع ہوا: 19 نومبر، 2026 کو 07:16 AM
آخری تدوین: 19 نومبر، 2026



