آبنائے ہرمز میں آپریشن ’پروجیکٹ فریڈم‘ پاکستان کی درخواست پر روکا گیا

(واشنگٹن ) امریکی وزیرخارجہ مارکو روبیو نے کہا ہے کہ آبنائے ہرمز میں جاری "پروجیکٹ فریڈم" کو پاکستان کی درخواست پر عارضی طور پر روک دیا گیا۔

امریکی وزیرخارجہ کے مطابق پاکستان کی جانب سے مؤقف اختیار کیا گیا تھا کہ اگر پروجیکٹ فریڈم کو روکا جائے تو معاہدے اور سفارتی پیش رفت کے امکانات پیدا ہوسکتے ہیں۔

مارکو روبیو نے کہا کہ امریکا نے سفارت کاری کو موقع دینے کیلئے یہ فیصلہ کیا اور اسی تناظر میں آپریشن کو معطل کیا گیا۔

انہوں نے مزید کہا کہ امریکی صدر ٹرمپ ہمیشہ سفارت کاری اور مذاکرات کو ترجیح دیتے ہیں اور خطے میں کشیدگی کم کرنے کیلئے سیاسی حل کے حامی ہیں۔

امریکی وزیرخارجہ کا کہنا تھا کہ امریکا خطے میں استحکام اور امن کیلئے اتحادی ممالک کے ساتھ مسلسل رابطے میں ہے جبکہ تمام اقدامات سفارتی کوششوں کو مدنظر رکھتے ہوئے کیے جا رہے ہیں۔