پاکستان میں پیٹرول کی قیمت 100 روپے فی لیٹر تک پہنچنے کا امکان، ڈیزل بھی مہنگا ہونے کا خدشہ

آئندہ چند روز میں وفاقی حکومت نئی قیمتوں کا اعلان کر سکتی ہے۔ ذرائع کے مطابق حکومت نے عالمی مارکیٹ میں تیل کی بڑھتی ہوئی قیمتوں کا بوجھ عوام پر منتقل کرنے کا اصولی فیصلہ کر لیا ہے۔

اس وقت پیٹرول کی قیمت میں درآمدی لاگت کے مقابلے میں تقریباً 100 روپے فی لیٹر جبکہ ڈیزل کی قیمت میں 200 روپے فی لیٹر سے زائد کا فرق موجود ہے، جسے ایڈجسٹ کرنے کے لیے قیمتوں میں نمایاں اضافہ کیا جا سکتا ہے۔

ممکنہ اضافے کے نتیجے میں عوام کو روزمرہ اخراجات میں مزید اضافہ دیکھنے کو ملے گا، جبکہ نئی قیمتیں سرکاری اعلان کے بعد نافذ کی جائیں گی۔

واضح رہے کہ مشرقِ وسطیٰ میں کشیدہ صورتحال کی وجہ سے پاکستان میں ایک ماہ کے دوران مٹی کے تیل کی قیمت میں 252 روپے 87 پیسے فی لیٹر اضافہ ہو چکا ہے۔