بیرسٹر گوہر لاہور پہنچ گئے، پی آئی سی میں شاہ محمود قریشی سے ملاقات اور عیادت

لاہور: چیئرمین پاکستان تحریک انصاف بیرسٹر گوہر علی خان لاہور پہنچ گئے، جہاں انہوں نے پنجاب انسٹیٹیوٹ آف کارڈیالوجی (پی آئی سی) کا دورہ کیا اور زیرِ علاج پی ٹی آئی رہنما شاہ محمود قریشی کی عیادت کی۔

ملاقات کے دوران بیرسٹر گوہر علی خان نے شاہ محمود قریشی کی خیریت دریافت کی اور ان کی صحت سے متعلق معلومات حاصل کیں۔

اس موقع پر رکن قومی اسمبلی زین قریشی بھی بیرسٹر گوہر علی خان کے ہمراہ موجود تھے۔ دونوں رہنماؤں نے شاہ محمود قریشی سے ملاقات کرکے ان کی صحت کے بارے میں دریافت کیا۔