چین کا آبنائے ہرمز معاملے پر ایران کی کھل کر حمایت کا اعلان

بیجنگ:چین نے آبنائے ہرمز کے معاملے پرایران کی کھل کر حمایت کا اعلان کر دیا۔

چینی وزیر دفاع ایڈمرل ڈونگ جن نے کہا کہ چین کے بحری جہاز آبنائے ہرمز کے آر پار معمول کے مطابق آ جا رہے ہیں اور ایران کے ساتھ چین کے تجارتی اور توانائی معاہدے موجود ہیں، جن کا مکمل احترام کیا جائے گا۔

انہوں نے کہا کہ دوسروں سے بھی توقع ہے کہ وہ چین کے معاملات میں مداخلت نہ کریں۔ چینی وزیر دفاع کا کہنا تھا کہ آبنائے ہرمز ایران کے کنٹرول میں ہے اور یہ چین کے لیے کھلا ہے۔

ایڈمرل ڈونگ جن نے مزید کہا کہ چین عالمی امن و استحکام کے لیے سنجیدہ ہے اور مشرق وسطیٰ کی صورتحال پر مسلسل نظر رکھے ہوئے ہے۔

دوسری جانب آبنائے ہرمز کے معاملے پر امریکا کی ممکنہ بحری ناکہ بندی کی دھمکی پر چینی وزارت خارجہ کے ترجمان نے ردعمل دیتے ہوئے کہا کہ تمام فریقین تحمل اور ضبط کا مظاہرہ کریں اور کشیدگی کم کرنے کے لیے سفارتی راستہ اختیار کریں۔