چین کا ایران سے حوثیوں پر اثر و رسوخ استعمال کرنے کا مطالبہ

بیجنگ: چین نے ایران سے حوثیوں پر اپنا اثر و رسوخ استعمال کرتے ہوئے بحیرۂ احمر اور باب المندب میں کشیدگی کم کرنے میں مدد دینے کا مطالبہ کیا ہے۔

رائٹرز کے مطابق چین نے سعودی عرب کی درخواست پر تہران سے رابطہ کیا اور ایران پر زور دیا کہ وہ اپنے اثر و رسوخ کو بروئے کار لاتے ہوئے بحیرۂ احمر اور باب المندب میں کشیدگی کم کرنے میں کردار ادا کرے۔

چین نے سرکاری طور پر تحمل، مذاکرات اور محفوظ بحری آمدورفت کی بحالی پر زور دیا ہے۔ چینی وزارت خارجہ کے مطابق بیجنگ نہیں چاہتا کہ خطے میں جاری کشیدگی یمن اور بحیرۂ احمر تک پھیلے۔

چینی حکام نے تمام ممالک کی خودمختاری کے احترام اور تنازعات کو مذاکرات کے ذریعے حل کرنے کی ضرورت پر بھی زور دیا۔