آبنائے ہرمز کی بندش کسی کے مفاد میں نہیں، دوبارہ کھولنا ترجیح ہے: ترک صدر

انقرہ: ترک صدر رجب طیب اردوان نے کہا ہے کہ آبنائے ہرمز کی بندش کسی کے مفاد میں نہیں، اسے دوبارہ کھولنا ترجیح ہونی چاہیے۔

قطری نشریاتی ادارے کو دیے گئے ایک انٹرویو میں صدر رجب طیب اردوان نے خطے میں جاری کشیدگی اور لڑائی کے خاتمے کے لیے ثالثی کی کوششوں میں کردار ادا کرنے پر قطر کو سراہا۔

ترک صدر نے کہا کہ خطے میں کشیدگی کے خاتمے اور استحکام کے لیے سفارتی کوششوں کو جاری رہنا چاہیے۔ ان کے مطابق آبنائے ہرمز کی بندش سے خطے اور عالمی سطح پر منفی اثرات مرتب ہو سکتے ہیں، اس لیے اس اہم آبی گزرگاہ کو دوبارہ کھولنا ترجیحات میں شامل ہونا چاہیے۔

صدر اردوان نے انٹرویو کے دوران سعودی عرب اور پاکستان کے ساتھ حال ہی میں اعلان کیے گئے مشترکہ دفاعی معاہدے پر بھی گفتگو کی۔ انہوں نے کہا کہ مستقبل میں مصر سمیت دیگر ممالک بھی اس معاہدے میں شامل ہو سکتے ہیں۔

ترک صدر کا کہنا تھا کہ علاقائی تعاون کو وسعت دینے سے خطے میں سلامتی اور استحکام کے لیے مشترکہ اقدامات کو مزید مؤثر بنایا جا سکتا ہے۔