عالمی منڈی میں خام تیل کی قیمتوں میں مزید کمی، ڈبلیو ٹی آئی 80.27 ڈالر فی بیرل

کراچی: عالمی منڈی میں خام تیل کی قیمتوں میں مزید کمی ریکارڈ کی گئی ہے، جس کے بعد امریکی اور برطانوی خام تیل کی قیمتیں کم ہوگئی ہیں۔

رپورٹس کے مطابق امریکی خام تیل ویسٹ ٹیکساس انٹرمیڈیٹ (ڈبلیو ٹی آئی) کی قیمت میں 2.52 فیصد کمی ہوئی، جس کے بعد اس کی فی بیرل قیمت 80.27 ڈالر کی سطح پر آگئی۔

دوسری جانب برینٹ کروڈ آئل کی قیمت میں بھی 2.62 فیصد کمی ریکارڈ کی گئی، جس کے بعد برینٹ خام تیل 86.26 ڈالر فی بیرل کی سطح پر آگیا۔

عالمی مارکیٹ میں خام تیل کی قیمتوں میں کمی کا اثر درآمدی تیل کی لاگت پر بھی پڑنے کا امکان ہے، جس کے نتیجے میں تیل درآمد کرنے والے ممالک کو نسبتاً کم قیمت پر خام تیل دستیاب ہوسکتا ہے۔

ماہرین کے مطابق عالمی سطح پر خام تیل کی قیمتوں میں اتار چڑھاؤ کا براہ راست اثر پٹرولیم مصنوعات کی قیمتوں اور درآمدی بل پر پڑتا ہے۔