فیفا ورلڈ کپ 2026: انگلینڈ کا فاتحانہ آغاز، کروشیا کو 2-4 سے شکست

فیفا ورلڈ کپ 2026 میں انگلینڈ نے اپنی مہم کا شاندار آغاز کرتے ہوئے کروشیا کو 2-4 سے شکست دے دی۔

گروپ مرحلے کے اس اہم مقابلے میں انگلش ٹیم نے جارحانہ کھیل کا مظاہرہ کیا اور ابتدا ہی سے میچ پر اپنی گرفت مضبوط رکھی۔ انگلینڈ کی جانب سے کپتان ہیری کین نے دو گول اسکور کرکے ٹیم کی کامیابی میں کلیدی کردار ادا کیا۔

انگلینڈ کے دیگر گول اسکوررز میں جوڈ بیلنگھم اور مارکس ریشفورڈ شامل تھے، جنہوں نے ایک، ایک گول کرکے ٹیم کی برتری مستحکم بنائی۔

کروشیا کی جانب سے مارٹن اور پیٹر موسیٰ نے ایک، ایک گول اسکور کیا، تاہم ان کی کوششیں ٹیم کو شکست سے نہ بچا سکیں۔

اس فتح کے ساتھ انگلینڈ نے ٹورنامنٹ میں اپنے عزائم کا واضح اظہار کر دیا ہے اور ابتدائی تین قیمتی پوائنٹس اپنے نام کر لیے ہیں، جبکہ کروشیا کو اگلے میچوں میں واپسی کے لیے سخت محنت کرنا ہوگی۔