پاک فوج کا فتح فور گراؤنڈ لانچڈ کروز میزائل کا کامیاب تربیتی تجربہ

آئی ایس پی آر کے مطابق اس تربیتی تجربے کا مقصد میزائل کی آپریشنل کارکردگی اور تکنیکی پیرا میٹرز کا جائزہ لینا تھا۔ ترجمان پاک فوج نے بتایا کہ فتح فور میزائل دور تک اپنے ہدف کو انتہائی درستگی کے ساتھ نشانہ بنانے کی صلاحیت رکھتا ہے۔

بیان میں کہا گیا کہ میزائل فائرنگ کے دوران مختلف سب سسٹمز کی کارکردگی اور درستگی کا تفصیلی جائزہ لیا گیا، جبکہ یہ تجربہ آرمی راکٹ فورس اور سائنسدانوں کی موجودگی میں کیا گیا۔

آئی ایس پی آر کے مطابق صدرِ مملکت، وزیراعظم ، چیف آف ڈیفنس فورسز، نیول اور ایئر چیف نے کامیاب تجربے کو سراہتے ہوئے اسے تکنیکی مہارت، محنت اور پیشہ ورانہ صلاحیت کا مظہر قرار دیا ہے۔