میکرون اور اہلیہ کے درمیان مبینہ تنازع کی نئی وجہ سامنے آگئی، ایرانی نژاد اداکارہ کا نام زیرِ بحث

ایک صحافی کی جانب سے لکھی گئی نئی کتاب میں دعویٰ کیا گیا ہے کہ صدر میکرون اور ان کی اہلیہ کے درمیان اختلافات کی وجہ ایرانی نژاد فرانسیسی اداکارہ گل شیفتہ فرہانی تھیں۔ کتاب کے مطابق مئی 2025 میں وائرل ہونے والی ویڈیو، جسے ابتدا میں محض مذاق قرار دیا گیا تھا، دراصل ایک ذاتی نوعیت کے تنازع کی عکاسی کرتی تھی۔

مصنف کے مطابق مبینہ جھگڑا صدر میکرون کے موبائل فون پر موصول ہونے والے کچھ پیغامات کے بعد شروع ہوا، جن کا تعلق اداکارہ گل شیفتہ فرہانی سے بتایا گیا ہے۔

تاہم فرانسیسی صدارتی محل اور خاتون اول کی ٹیم نے ان دعوؤں کو سختی سے مسترد کر دیا ہے۔ دوسری جانب گل شیفتہ فرہانی بھی کسی قسم کے رومانوی تعلق یا تنازع میں ملوث ہونے کی تردید کر چکی ہیں۔

رپورٹس کے مطابق اب تک ان دعوؤں کے حق میں کوئی آزاد یا حتمی ثبوت سامنے نہیں آیا، تاہم یہ معاملہ فرانسیسی میڈیا اور سوشل میڈیا پر بحث کا موضوع بنا ہوا ہے۔