سونے کی قیمت میں مسلسل دوسرے روز اضافہ، فی تولہ 4 لاکھ 25 ہزار 436 روپے تک پہنچ گیا

کراچی: ملک بھر میں سونے کی قیمت میں مسلسل دوسرے روز بھی اضافہ ریکارڈ کیا گیا، جبکہ چاندی کی قیمت میں کمی دیکھنے میں آئی۔

آل پاکستان صرافہ جیمز اینڈ جیولرز ایسوسی ایشن کے مطابق فی تولہ 24 قیراط سونے کی قیمت میں 400 روپے اضافے کے بعد نئی قیمت 4 لاکھ 25 ہزار 436 روپے ہو گئی ہے۔

اسی طرح 10 گرام 24 قیراط سونا 343 روپے مہنگا ہو کر 3 لاکھ 64 ہزار 742 روپے کا ہو گیا، جبکہ 10 گرام 22 قیراط سونے کی قیمت 314 روپے اضافے کے بعد 3 لاکھ 34 ہزار 358 روپے تک پہنچ گئی۔

عالمی مارکیٹ میں بھی سونے کی قیمت میں اضافہ دیکھا گیا، جہاں فی اونس سونا 4 ڈالر مہنگا ہو کر 4 ہزار 30 ڈالر پر ٹریڈ ہوا، جس کے اثرات مقامی مارکیٹ پر بھی مرتب ہوئے۔

دوسری جانب چاندی کی قیمت میں کمی ریکارڈ کی گئی۔ فی تولہ چاندی 134 روپے سستی ہو کر 6 ہزار 155 روپے کی سطح پر آ گئی، جبکہ 10 گرام چاندی 115 روپے کمی کے بعد 5 ہزار 276 روپے میں فروخت ہونے لگی۔

عالمی مارکیٹ میں بھی چاندی کی قیمت 1.34 ڈالر کمی کے بعد 56.76 ڈالر فی اونس ریکارڈ کی گئی۔

ماہرین کا کہنا ہے کہ عالمی مارکیٹ میں قیمتی دھاتوں کی قیمتوں میں اتار چڑھاؤ اور بین الاقوامی معاشی صورتحال مقامی مارکیٹ میں سونے اور چاندی کی قیمتوں پر براہ راست اثر انداز ہو رہی ہے۔