وائسز آف امریکا
تازہ خبریں
پاکستان

گروپ کیپٹن عاصم کے قاتل سعد عباسی کو 9 گھنٹوں میں گرفتار کر لیا گیا، آئی جی اسلام آباد

W
Web Desk
6 جولائی، 2026
گروپ کیپٹن عاصم کے قاتل سعد عباسی کو 9 گھنٹوں میں گرفتار کر لیا گیا، آئی جی اسلام آباد

آئی جی اسلام آباد علی ناصر رضوی نے کہا ہے کہ گروپ کیپٹن عاصم کو شہید کرنے والے ملزم سعد عباسی کو جدید ٹیکنالوجی اور خصوصی ٹیموں کی مدد سے صرف 9 گھنٹوں میں گرفتار کر لیا گیا

(اسلام آباد) انسپکٹر جنرل (آئی جی) اسلام آباد پولیس علی ناصر رضوی نے کہا ہے کہ گروپ کیپٹن عاصم کو شہید کرنے والے ملزم سعد عباسی کو واقعے کے صرف 9 گھنٹوں کے اندر گرفتار کر لیا گیا۔

ڈی آئی جی آپریشنز جواد طارق کے ہمراہ پریس کانفرنس کرتے ہوئے آئی جی اسلام آباد نے بتایا کہ واقعہ صبح 11 بج کر 21 منٹ پر پیش آیا، جب گروپ کیپٹن عاصم نے ایک نوجوان خاتون اور ملزم کے درمیان جھگڑا دیکھا اور انسانی ہمدردی کے تحت مداخلت کرتے ہوئے خاتون کو تحفظ فراہم کرنے کی کوشش کی۔

انہوں نے بتایا کہ گروپ کیپٹن عاصم نے ملزم سعد عباسی کو خاتون سے بدتمیزی اور جھگڑا کرنے سے روکا، تاہم ملزم نے طیش میں آ کر فائرنگ کر دی، جس کے نتیجے میں گروپ کیپٹن عاصم شہید ہو گئے۔

آئی جی کے مطابق ملزم سعد عباسی اور خاتون نمرہ دونوں جی-6 سیکٹر میں واقع ایک نجی کیش اینڈ کیری اسٹور میں ملازم تھے۔ ابتدائی تحقیقات کے مطابق ملزم خاتون کو کسی پارک یا دوسری جگہ لے جانا چاہتا تھا، جبکہ خاتون صرف کام کی جگہ تک تعلق رکھنا چاہتی تھی اور اس کی خواہش کو مسلسل نظر انداز کیا جا رہا تھا۔

علی ناصر رضوی نے کہا کہ دونوں کے درمیان صرف تقریباً 10 روز سے پک اینڈ ڈراپ کا تعلق تھا اور خاتون کو ملزم کے گھر یا ذاتی زندگی کے بارے میں بھی معلومات نہیں تھیں۔

انہوں نے بتایا کہ یہ پولیس کے لیے ایک حساس اور چیلنجنگ کیس تھا، جس کی تحقیقات کے لیے فوری طور پر 11 خصوصی ٹیمیں تشکیل دی گئیں۔

آئی جی اسلام آباد کے مطابق سیف سٹی کیمروں، مصنوعی ذہانت (AI)، ڈیجیٹل سرویلنس اور فزیکل انٹیلی جنس کی مدد سے ملزم کے لباس، موٹرسائیکل اور نقل و حرکت کا سراغ لگایا گیا۔

انہوں نے مزید بتایا کہ واردات کے بعد ملزم نے اسکائی وے کے ذریعے سفر کا ٹکٹ حاصل کیا، اپنا موبائل فون بند کر دیا اور شناخت چھپانے کے لیے کپڑے بھی تبدیل کیے، تاہم پولیس نے مسلسل تعاقب کے بعد اسے 9 گھنٹوں کے اندر گرفتار کر لیا۔

علی ناصر رضوی نے کہا کہ گروپ کیپٹن عاصم نے ایک خاتون کی مدد کرتے ہوئے غیر معمولی جرات، حب الوطنی اور شہری ذمہ داری کا مظاہرہ کیا، اور اسلام آباد پولیس اس کیس میں ملزم سعد عباسی کو قانون کے مطابق قرار واقعی سزا دلوانے کے لیے ہر ممکن اقدامات کرے گی۔

شیئر کریں:
W
Web Desk

Media Channel

شائع ہوا: 6 جولائی، 2026 کو 04:27 AM

آخری تدوین: 6 جولائی، 2026

متعلقہ مضامین

خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل
پاکستان

خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل

چیف آف ڈیفنس فورسز فیلڈ مارشل عاصم منیر نے کہا ہے کہ خیبر پختونخوا میں بڑی جدوجہد کے بعد حاصل ہونے والے امن و استحکام کو برقرار رکھنے کے لیے پُرعزم ہیں

Web Desk20 نومبر، 2026
صدر مملکت اور وزیراعظم کی اہم ملاقات، تمام معاملات مشاورت سے حل کرنے پر اتفاق
پاکستان

صدر مملکت اور وزیراعظم کی اہم ملاقات، تمام معاملات مشاورت سے حل کرنے پر اتفاق

صدر مملکت آصف علی زرداری اور وزیراعظم شہباز شریف کے درمیان اہم ملاقات، ملک کی سیاسی صورتحال، قومی معاملات اور مشرقِ وسطیٰ کی صورتحال پر تفصیلی گفتگو۔ دونوں رہنماؤں کا تمام معاملات بات چیت اور اتحادی جماعتوں کی باہمی مشاورت سے حل کرنے پر اتفاق۔ ملاقات میں وفاقی وزیر داخلہ محسن نقوی بھی شریک ہوئے

Web Desk20 نومبر، 2026
اینکر پرسن ربیعہ احسن قتل کیس میں اہم پیشرفت، اہل خانہ نے ملزم کو معاف کردیا، عدالت سے ضمانت منظور
پاکستان

اینکر پرسن ربیعہ احسن قتل کیس میں اہم پیشرفت، اہل خانہ نے ملزم کو معاف کردیا، عدالت سے ضمانت منظور

92 نیوز کی اینکر پرسن ربیعہ احسن قتل کیس میں اہم پیشرفت، مقتولہ کے اہل خانہ نے ملزم احسن طاہر خان کو معاف کردیا۔ والدہ، بھائی اور بہن نے عدالت میں بیان حلفی جمع کرواتے ہوئے موت کو حادثہ قرار دیا۔ عدالت نے ملزم کی 2 لاکھ روپے کے مچلکوں کے عوض بعد از گرفتاری ضمانت منظور کرلی

Web Desk19 نومبر، 2026