خیبرپختونخوا میں پالیسی صرف عمران خان کی چلے گی، وزیراعلیٰ سہیل آفریدی کا دوٹوک مؤقف

پشاور: وزیراعلیٰ خیبرپختونخوا سہیل آفریدی نے کہا ہے کہ صوبے میں پالیسی صرف بانی پی ٹی آئی عمران خان کی چلے گی اور راج بھی عمران خان کا ہوگا۔

سہیل آفریدی نے سماجی رابطے کی ویب سائٹ پر اپنی ٹوئٹ میں کہا کہ خیبرپختونخوا میں صرف عمران خان کی پالیسی نافذ ہوگی۔ ان کا کہنا تھا کہ راج صرف عمران خان کا ہوگا اور عوامی راج ہی عمران خان کا راج ہے۔

وزیراعلیٰ کا یہ بیان ایسے وقت میں سامنے آیا ہے جب وفاقی حکومت کی جانب سے خیبرپختونخوا میں ایمرجنسی نافذ کرنے کے فیصلے کی اطلاعات سامنے آئی ہیں۔ اس صورتحال میں سہیل آفریدی کے بیان کو صوبائی حکومت کے مؤقف کے تناظر میں دیکھا جا رہا ہے۔