پاکستان اور سری لنکا کی ٹرائی سیریز سے قبل راولپنڈی میں بھرپور ٹریننگ
زاہد فاروق ملک17 اکتوبر، 2026
ون ڈے ٹرائی سیریز سے قبل پاکستان اور سری لنکا کی ٹیموں نے راولپنڈی کرکٹ اسٹیڈیم میں تین گھنٹے ٹریننگ کی۔ ہیڈ کوچ مائیک ہیسن کی نگرانی میں بیٹنگ، باؤلنگ اور فیلڈنگ کی مشقیں، انگلینڈ کی ٹیم نے بھی پریکٹس سیشن میں حصہ لیا۔ پہلا میچ 18 اکتوبر کو ہوگا
راولپنڈی: پاکستان، سری لنکا اور انگلینڈ کے درمیان ون ڈے ٹرائی سیریز کے آغاز سے قبل پاکستان اور سری لنکا کی ٹیموں نے راولپنڈی کرکٹ اسٹیڈیم میں بھرپور ٹریننگ سیشن میں حصہ لیا۔
قومی ٹیم کے کھلاڑیوں نے ہیڈ کوچ مائیک ہیسن کی نگرانی میں پریکٹس کی۔ تین گھنٹے پر مشتمل ڈے نائٹ ٹریننگ سیشن کے دوران کھلاڑیوں نے بیٹنگ، باؤلنگ اور فیلڈنگ کی مشقیں کیں اور سیریز کے لیے اپنی تیاریوں کو حتمی شکل دی۔
دوسری جانب انگلینڈ کی ٹیم نے بھی ہفتے کی دوپہر راولپنڈی کرکٹ اسٹیڈیم میں ٹریننگ کی، جہاں کھلاڑیوں نے سیریز کے ابتدائی مقابلوں کے لیے تیاری کی۔
ٹرائی سیریز کا پہلا میچ اتوار، 18 اکتوبر کو میزبان پاکستان اور سری لنکا کے درمیان راولپنڈی کرکٹ اسٹیڈیم میں کھیلا جائے گا۔ تینوں ٹیمیں سیریز میں ایک دوسرے کے خلاف دو، دو میچز کھیلیں گی، جبکہ فائنل 31 اکتوبر کو لاہور میں شیڈول ہے۔
زاہد فاروق ملک پاکستان کے ممتاز سینئر صحافی، کالم نگار اور میڈیا ایگزیکٹو ہیں۔ وہ پاکستان کے دارالحکومت اسلام آباد میں مقیم ہیں اور اس وقت وائسز آف امریکا کے بیورو چیف کے طور پر خدمات انجام دے رہے ہیں۔
شائع ہوا: 17 اکتوبر، 2026 کو 05:35 PM
آخری تدوین: 17 اکتوبر، 2026
