روس نے ایران کو آبنائے ہرمز کا متبادل راستہ فراہم کر دیا، امریکی میڈیا کا دعویٰ

(نیویارک) نیویارک ٹائمز نے دعویٰ کیا ہے کہ روس نے ایران کو آبنائے ہرمز کا متبادل تجارتی اور لاجسٹک راستہ فراہم کر دیا ہے۔

امریکی اخبار کے مطابق روس ایران کو ڈرونز کے پرزے بحیرہ قزوین کے راستے فراہم کر رہا ہے جبکہ آبنائے ہرمز سے منتقل ہونے والا سامان بھی متبادل راستوں کے ذریعے ایران پہنچایا جا رہا ہے۔

رپورٹ میں دعویٰ کیا گیا ہے کہ روسی تعاون کے باعث ایران کے ڈرون ذخیرے میں اضافہ ہو رہا ہے اور اگر یہ مدد جاری رہی تو ایران اپنی ڈرون صلاحیت کو مزید وسعت دے سکتا ہے۔

نیویارک ٹائمز کے مطابق تقریباً 20 لاکھ ٹن روسی گندم بھی بحیرہ قزوین کے راستے ایران منتقل کی جا رہی ہے، جس سے دونوں ممالک کے درمیان اقتصادی اور عسکری تعاون مزید مضبوط ہونے کا اشارہ ملتا ہے۔

رپورٹ میں کہا گیا ہے کہ متبادل بحری راستوں کے استعمال سے ایران آبنائے ہرمز پر ممکنہ دباؤ اور رکاوٹوں کے اثرات کم کرنے کی کوشش کر رہا ہے۔