کملا ہیرس کا ٹرمپ پر سنگین الزام، نیتن یاہو کے کہنے پر امریکا کو جنگ میں دھکیلا

(واشنگٹن)اپنے بیان میں کملا ہیرس نے کہا کہ ٹرمپ انتظامیہ نے ایک ایسی جنگ کا آغاز کیا جسے امریکی عوام کی حمایت حاصل نہیں تھی۔ انہوں نے کہا کہ اس فیصلے کے نتیجے میں امریکی فوجیوں کی جانوں کو شدید خطرات لاحق ہوئے اور خطے میں کشیدگی میں اضافہ ہوا۔

سابق نائب صدر کا کہنا تھا کہ خارجہ پالیسی کے ایسے فیصلے نہ صرف مشرق وسطیٰ بلکہ خود امریکا کے لیے بھی سنگین نتائج کا باعث بن سکتے ہیں۔ انہوں نے مزید کہا کہ امریکی قیادت کو جنگ جیسے حساس فیصلوں میں عوامی رائے اور عالمی استحکام کو مدنظر رکھنا چاہیے۔

کملا ہیرس کے اس بیان کے بعد امریکی سیاسی حلقوں میں نئی بحث چھڑ گئی ہے جبکہ مبصرین کا کہنا ہے کہ یہ بیان آنے والے سیاسی ماحول اور خارجہ پالیسی پر اثر انداز ہو سکتا ہے۔