ٹرمپ کی جانب سے جنگ بندی میں توسیع کے اعلان کی اہمیت نہیں,مہدی محمد

(تہران) ایران کے سیاسی حلقوں میں امریکی صدر ڈونلڈ ٹرمپ کی جانب سے جنگ بندی میں توسیع کے اعلان کو شک کی نگاہ سے دیکھا جا رہا ہے۔ ایرانی پارلیمنٹ کے اسپیکرباقر قالیباف کے مشیر مہدی محمد نے اس اعلان کو غیر مؤثر قرار دیتے ہوئے کہا ہے کہ اس کی کوئی خاص اہمیت نہیں۔

مہدی محمد کے مطابق، “ہارنے والا فریق شرائط کا تعین نہیں کر سکتا”، اور موجودہ حالات میں جنگ بندی کی پیشکش کو ایک حکمت عملی کے طور پر دیکھا جانا چاہیے۔ ان کا کہنا تھا کہ ناکہ بندی کا تسلسل بھی بمباری سے کم نہیں اور اس پر فوجی ردعمل دیا جانا چاہیے۔

انہوں نے مزید دعویٰ کیا کہ ٹرمپ کی جانب سے جنگ بندی کا اعلان دراصل وقت حاصل کرنے کی کوشش ہو سکتی ہے تاکہ مستقبل میں اچانک حملے کیے جا سکیں۔ “یہ ایک سرپرائز اسٹرائیک کی چال بھی ہو سکتی ہے،” انہوں نے خبردار کیا۔

ایرانی مشیر نے اس بات پر زور دیا کہ اب ایران کے لیے وقت آ گیا ہے کہ وہ خود پہل کرے اور اپنی حکمت عملی کو مزید مضبوط بنائے۔

تاہم، سرکاری سطح پر اس بیان سے لاتعلقی ظاہر کی گئی ہے، اور واضح کیا گیا ہے کہ یہ مشیر کی ذاتی رائے ہے، اسے ایران کا باضابطہ مؤقف نہیں سمجھا جانا چاہیے۔