خطے میں ناکامی کے بعد امریکا نیا محاذ کھول رہا ہے، ایران اپنی جوہری صلاحیتوں کی حفاظت کرے گا: مجتبیٰ خامنہ ای

(تہران) ایک بیان میں ایرانی سپریم لیڈر نے کہا کہ آبنائے ہرمز میں ایک نیا چیپٹر کھل چکا ہے اور خلیجی خطے میں نئی صورتحال جنم لے رہی ہے۔ ان کے مطابق خطے میں عدم استحکام کی سب سے بڑی وجہ امریکا ہے۔

مجتبیٰ خامنہ ای نے کہا کہ تہران خلیجی خطے کی سلامتی کو یقینی بنائے گا اور خلیج فارس میں استحکام برقرار رکھنے کیلئے اپنا کردار ادا کرتا رہے گا۔

انہوں نے مزید کہا کہ خطے میں موجود امریکی اڈے اپنی حفاظت کرنے کے قابل نہیں رہے جبکہ امریکا اپنے اتحادیوں کو تحفظ فراہم کرنے میں بھی ناکام ثابت ہوا ہے۔

ایرانی سپریم لیڈر نے واضح کیا کہ ایران اپنی جوہری اور میزائل صلاحیتوں کا ہر قیمت پر دفاع کرے گا اور امریکی خواہش کبھی پوری نہیں ہوگی کہ تہران اپنے اسٹریٹجک اثاثوں سے دستبردار ہو۔

انہوں نے کہا کہ ایرانی عوام اپنی جوہری اور میزائل صلاحیتوں کو قومی سلامتی کا حصہ سمجھتے ہیں اور ان اثاثوں کی ہر صورت حفاظت کریں گے۔