امریکا ایران کشیدگی، عالمی منڈی میں تیل کی قیمتیں 97 ڈالر سے تجاوز کرگئیں
امریکا اور ایران کے درمیان بڑھتی کشیدگی کے باعث عالمی منڈی میں خام تیل کی قیمتیں ڈیڑھ ماہ کی بلند ترین سطح پر پہنچ گئیں۔ برینٹ کروڈ 97.60 ڈالر، ڈبلیو ٹی آئی 92.76 ڈالر جبکہ اماراتی تیل مربان 106 ڈالر فی بیرل سے تجاوز کرگیا
امریکا اور ایران کے درمیان بڑھتی کشیدگی کے باعث عالمی منڈی میں خام تیل کی قیمتیں ڈیڑھ ماہ کی بلند ترین سطح پر پہنچ گئی ہیں۔
برطانوی خام تیل برینٹ کی قیمت میں 1.37 فیصد اضافہ ریکارڈ کیا گیا، جس کے بعد برینٹ کروڈ 97.60 ڈالر فی بیرل کی سطح پر ٹریڈ کر رہا ہے۔
دوسری جانب امریکی خام تیل ویسٹ ٹیکساس انٹرمیڈیٹ (WTI) کی قیمت میں بھی 1.40 فیصد اضافہ ہوا، جس کے بعد ڈبلیو ٹی آئی 92.76 ڈالر فی بیرل پر پہنچ گیا۔
رپورٹس کے مطابق اماراتی خام تیل مربان کی فی بیرل قیمت بھی 106 ڈالر سے تجاوز کرگئی ہے۔
مشرقِ وسطیٰ میں کشیدہ صورتحال اور امریکا ایران تناؤ کے باعث عالمی منڈی میں سرمایہ کاروں کی توجہ تیل کی ممکنہ سپلائی اور خطے میں توانائی کی ترسیل پر مرکوز ہے، جس کے نتیجے میں خام تیل کی قیمتوں میں مزید اضافہ دیکھا جا رہا ہے۔
شائع ہوا: 8 ستمبر، 2026 کو 05:40 AM
آخری تدوین: 8 ستمبر، 2026
