راولپنڈی میں 6 ماہ کیلئے پاک فوج تعینات کرنے کی منظوری
وفاقی حکومت نے آئین کے آرٹیکل 245 کے تحت راولپنڈی میں 6 ماہ کے لیے پاک فوج تعینات کرنے کی منظوری دے دی۔ ہوم ڈیپارٹمنٹ پنجاب کی درخواست پر فوج کی 3 کمپنیاں، تقریباً 400 سے زائد اہلکار، راولپنڈی میں تعینات کیے جائیں گے۔ پاک فوج ضلعی انتظامیہ کے ساتھ مل کر حساس مقامات، اہم شاہراہوں اور امن و امان کی صورتحال کی نگرانی میں معاونت کرے گی
وفاقی حکومت نے آئین کے آرٹیکل 245 کے تحت راولپنڈی میں 6 ماہ کے لیے پاک فوج تعینات کرنے کی منظوری دے دی ہے۔
ذرائع کے مطابق وفاقی حکومت نے ہوم ڈیپارٹمنٹ پنجاب کی درخواست پر راولپنڈی میں پاک فوج کی 3 کمپنیاں تعینات کرنے کی منظوری دی ہے، جن میں تقریباً 400 سے زائد اہلکار شامل ہوں گے۔
پاک فوج ضلعی انتظامیہ کے ساتھ مل کر راولپنڈی میں امن و امان کی صورتحال برقرار رکھنے میں معاونت کرے گی۔ فوجی اہلکار حساس مقامات اور اہم شاہراہوں کی سکیورٹی کو مزید مؤثر بنانے کے لیے ضلعی انتظامیہ کے ساتھ تعاون کریں گے۔
حکومت کے مطابق پاک فوج کی تعیناتی کا مقصد کسی بھی ممکنہ ناخوشگوار صورتحال سے نمٹنے اور امن و امان برقرار رکھنے کے لیے ضلعی انتظامیہ کو معاونت فراہم کرنا ہے۔
آئین کے آرٹیکل 245 کے تحت ہونے والی اس تعیناتی کی مدت 6 ماہ ہوگی
شائع ہوا: 22 اگست، 2026 کو 06:38 AM
آخری تدوین: 22 اگست، 2026
