اسلام آباد ٹاکس کیلئے ویزا فری سفر محدود، دفتر خارجہ کی وضاحت جاری

(اسلام آباد)ترجمان دفتر خارجہ کے مطابق پاکستان نے صرف اسلام آباد ٹاکس میں شریک ممالک کے وفود کے لیے ویزا فری سفر کی سہولت فراہم کی ہے۔ بیان میں کہا گیا ہے کہ ایران اور امریکا کے سرکاری وفود کے ساتھ ساتھ مذاکرات کی کوریج کے لیے آنے والے صحافیوں کو بھی محدود مدت کے لیے ویزا فری داخلے کی اجازت دی گئی ہے۔

ترجمان کے مطابق یہ سہولت صرف مذاکرات کی مدت تک محدود ہوگی اور اس کا اطلاق تیسرے ممالک کے شہریوں پر نہیں ہوگا۔ دفتر خارجہ نے واضح کیا کہ یہ اقدام مذاکرات کو سہل بنانے اور سفارتی سرگرمیوں کو مؤثر بنانے کے لیے کیا گیا ہے۔

دفتر خارجہ نے مزید کہا کہ ویزا فری سہولت کا مقصد بین الاقوامی وفود اور میڈیا نمائندوں کو آسان رسائی فراہم کرنا ہے تاکہ اسلام آباد میں ہونے والے اہم مذاکرات کو موثر انداز میں آگے بڑھایا جا سکے۔