وائسز آف امریکا
تازہ خبریں
امریکا

مبینہ پاکستانی شہری پر امریکی پوسٹل سروس کو 12 کروڑ 60 لاکھ ڈالر نقصان پہنچانے کا الزام

محمد نعیم اخترمحمد نعیم اختر6 اکتوبر، 2026
مبینہ پاکستانی شہری پر امریکی پوسٹل سروس کو 12 کروڑ 60 لاکھ ڈالر نقصان پہنچانے کا الزام

امریکی ریاست فلوریڈا میں مبینہ پاکستانی شہری فہیم اکرم کے خلاف جعلی ڈاک لیبل فروخت کرکے امریکی پوسٹل سروس کو 12 کروڑ 60 لاکھ ڈالر نقصان پہنچانے کے الزام میں فرد جرم عائد کردی گئی

امریکی ریاست فلوریڈا میں ایک مبینہ پاکستانی شہری کے خلاف امریکی پوسٹل سروس کو 12 کروڑ 60 لاکھ ڈالر کا نقصان پہنچانے کے الزام میں فرد جرم عائد کردی گئی۔

امریکی حکام کے مطابق خانیوال سے تعلق رکھنے والے 33 سالہ فہیم اکرم پر الزام ہے کہ وہ ایک ایسی ویب سائٹ چلا رہا تھا جس کے ذریعے امریکی پوسٹل سروس کے جعلی ڈاک لیبل یا ٹکٹ فروخت کیے جاتے تھے۔

51 لاکھ جعلی ڈاک لیبل فروخت کرنے کا الزام

امریکی اٹارنی کے دفتر کے مطابق ملزم مبینہ طور پر ڈاک کے وزن یا منزل کو مدنظر رکھے بغیر ہر جعلی ٹکٹ صرف 2 ڈالر میں فروخت کرتا تھا، جو امریکی پوسٹل سروس کے اصل ڈاک ٹکٹ کی قیمت سے نمایاں طور پر کم تھی۔

حکام کے مطابق مبینہ طور پر اس ویب سائٹ کے ذریعے تقریباً 51 لاکھ جعلی ڈاک ٹکٹ فروخت کیے گئے۔

تفتیش میں یہ بھی سامنے آیا کہ تقریباً 5 ہزار 200 افراد نے اپنے سامان کی ترسیل کے لیے مبینہ جعلی ویب سائٹ سے ڈاک ٹکٹ خریدے، جس کے نتیجے میں امریکی پوسٹل سروس کو 12 کروڑ 60 لاکھ ڈالر کا نقصان پہنچا۔

ویب سائٹ بند کردی گئی

امریکی حکام کے مطابق مبینہ جعلی ڈاک ٹکٹ فروخت کرنے والی ویب سائٹ کو اب بند کر دیا گیا ہے۔

امریکی پوسٹل انسپیکشن سروس کے انسپکٹر انچارج نے کہا کہ امریکی حکام کی رسائی ملک کی سرحدوں سے باہر تک ہے اور امریکی پوسٹل سروس سے فراڈ کرنے والوں کو تلاش کرکے انصاف کے کٹہرے میں لایا جائے گا۔

گرفتاری کی اطلاع پر ایک لاکھ ڈالر انعام

امریکی پوسٹل انسپیکشن سروس نے فہیم اکرم کی گرفتاری سے متعلق قابلِ عمل اطلاع فراہم کرنے والے شخص کے لیے ایک لاکھ امریکی ڈالر انعام کا اعلان بھی کیا ہے۔

جرم ثابت ہونے پر ممکنہ سزا

امریکی حکام کے مطابق اگر فہیم اکرم پر عائد الزامات عدالت میں ثابت ہوجاتے ہیں تو اسے سازش اور جعلی ڈاک ٹکٹ بنانے کے الزام میں زیادہ سے زیادہ 5 سال جبکہ آن لائن فراڈ کے الزام میں 20 سال تک قید کی سزا ہوسکتی ہے۔

واضح رہے کہ فرد جرم میں عائد الزامات عدالت میں ثابت ہونا باقی ہیں اور ملزم کو جرم ثابت ہونے تک بے گناہ تصور کیا جاتا ہے۔

شیئر کریں:
محمد نعیم اختر
محمد نعیم اختر

محمد نعیم اختر، واشنگٹن ڈی سی میں وائسز آف امریکا کیلئے بطور بیوروچیف فرائض انجام دے رہے ہیں

شائع ہوا: 6 اکتوبر، 2026 کو 06:31 AM

آخری تدوین: 6 اکتوبر، 2026

متعلقہ مضامین

گرپتونت سنگھ پنوں قتل سازش کیس: نکھل گپتا کو آج نیویارک کی عدالت میں سزا سنائی جائے گی
امریکا

گرپتونت سنگھ پنوں قتل سازش کیس: نکھل گپتا کو آج نیویارک کی عدالت میں سزا سنائی جائے گی

امریکہ میں سکھ رہنما گرپتونت سنگھ پنوں کے قتل کی مبینہ سازش میں ملوث بھارتی شہری نکھل گپتا کو آج نیویارک کی وفاقی عدالت میں سزا سنائی جائے گی۔ امریکی پراسیکیوٹرز نے 24 سال سے زائد قید کی درخواست کر رکھی ہے

محمد نعیم اختر20 نومبر، 2026
ٹرمپ کا ایران جنگ ختم کرانے کے لیے چین اور روس سے مدد لینے سے انکار
امریکا

ٹرمپ کا ایران جنگ ختم کرانے کے لیے چین اور روس سے مدد لینے سے انکار

امریکی صدر ڈونلڈ ٹرمپ نے ایران جنگ ختم کرانے کے لیے چین اور روس سے مدد لینے سے انکار کر دیا۔ فاکس نیوز کو انٹرویو میں ایران کی فوجی طاقت، آبنائے ہرمز اور چین امریکا تعلقات پر اہم دعوے کر دیے

Web Desk19 نومبر، 2026
بھارت کا پانی کو بطور ہتھیار استعمال کرنا عالمی قانون کی خلاف ورزی ہے، پاکستان کا اقوام متحدہ میں مؤقف
تازہ ترین

بھارت کا پانی کو بطور ہتھیار استعمال کرنا عالمی قانون کی خلاف ورزی ہے، پاکستان کا اقوام متحدہ میں مؤقف

پاکستان نے اقوام متحدہ میں بھارت کی جانب سے سندھ طاس معاہدے کی یکطرفہ معطلی اور دریاؤں کا پانی روکنے کی دھمکیوں کو مسترد کردیا۔ سفیر عثمان جدون نے پانی کو سیاسی دباؤ کے لیے استعمال کرنے کی مخالفت کی

Web Desk19 نومبر، 2026