دشمن کی کسی بھی غلطی کا طاقت سے جواب دینے کیلئے 100 فیصد تیار ہیں: ایرانی کمانڈر

تہران: ایرانی پاسدارانِ انقلاب کی زمینی افواج کے کمانڈر محمد کرمی نے کہا ہے کہ ایران دشمن کی کسی بھی ممکنہ غلطی کا طاقت سے جواب دینے کے لیے مکمل طور پر تیار ہے۔

ایرانی سرکاری خبر رساں اداروں کی جانب سے جاری کیے گئے ایک انٹرویو میں محمد کرمی نے کہا کہ ایران دشمن کی جانب سے کسی بھی ممکنہ اقدام یا غلطی کی صورت میں جواب دینے کی صلاحیت اور تیاری رکھتا ہے۔

ایرانی کمانڈر کا بیان خطے میں جاری کشیدگی کے تناظر میں سامنے آیا ہے، تاہم انہوں نے اپنے بیان میں کسی مخصوص ملک یا ممکنہ کارروائی کی تفصیلات بیان نہیں کیں۔