وائسز آف امریکا
تازہ خبریں
پاکستان

زیارت میں دہشت گردوں کا پولیس چوکی پر حملہ، 9 اہلکار شہید، سرچ آپریشن جاری

W
Web Desk
7 جولائی، 2026
زیارت میں دہشت گردوں کا پولیس چوکی پر حملہ، 9 اہلکار شہید، سرچ آپریشن جاری

بلوچستان کے ضلع زیارت میں دہشت گردوں نے پولیس چوکی پر حملہ کر دیا، جس کے نتیجے میں دو ایس ایچ اوز سمیت 9 پولیس اہلکار شہید ہوگئے۔ سکیورٹی فورسز نے علاقے میں سرچ آپریشن شروع کر دیا ہے

بلوچستان کے ضلع زیارت میں دہشت گردوں نے پولیس چوکی پر حملہ کر دیا، جس کے نتیجے میں دو ایس ایچ اوز سمیت 9 پولیس اہلکار شہید ہوگئے۔ واقعے کے بعد علاقے میں سکیورٹی سخت کر دی گئی ہے جبکہ حملہ آوروں کی تلاش کے لیے سرچ آپریشن جاری ہے۔

ایس پی زیارت کے مطابق حملہ ضلع زیارت کے علاقے کچ مانگی فیز تھری میں واقع پولیس چوکی پر کیا گیا، جہاں دہشت گردوں اور پولیس کے درمیان گزشتہ رات سے شدید فائرنگ کا تبادلہ جاری تھا۔

انہوں نے بتایا کہ حملے میں شہید ہونے والوں میں ایس ایچ او مانگی محمد حسین اور ایس ایچ او کواس صحبت خان بھی شامل ہیں، جبکہ مجموعی طور پر 9 پولیس اہلکاروں نے جامِ شہادت نوش کیا۔

پولیس حکام کے مطابق شہید اہلکاروں کی لاشیں ڈی ایچ کیو ہسپتال زیارت منتقل کر دی گئی ہیں، جہاں ضروری قانونی کارروائی کے بعد انہیں آبائی علاقوں میں سپردِ خاک کیا جائے گا۔

واقعے کے بعد سکیورٹی فورسز اور پولیس کی اضافی نفری علاقے میں تعینات کر دی گئی ہے۔ پولیس کا کہنا ہے کہ حملہ آوروں کی گرفتاری اور علاقے کو کلیئر کرنے کے لیے سرچ آپریشن جاری ہے اور دہشت گردوں کو قانون کے کٹہرے میں لایا جائے گا۔

حکام نے اس عزم کا اظہار کیا ہے کہ شہید پولیس اہلکاروں کی قربانیاں رائیگاں نہیں جائیں گی اور دہشت گردی کے خلاف کارروائیاں مزید مؤثر انداز میں جاری رکھی جائیں گی۔

شیئر کریں:
W
Web Desk

Media Channel

شائع ہوا: 7 جولائی، 2026 کو 05:41 AM

آخری تدوین: 7 جولائی، 2026

متعلقہ مضامین

خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل
پاکستان

خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل

چیف آف ڈیفنس فورسز فیلڈ مارشل عاصم منیر نے کہا ہے کہ خیبر پختونخوا میں بڑی جدوجہد کے بعد حاصل ہونے والے امن و استحکام کو برقرار رکھنے کے لیے پُرعزم ہیں

Web Desk20 نومبر، 2026
صدر مملکت اور وزیراعظم کی اہم ملاقات، تمام معاملات مشاورت سے حل کرنے پر اتفاق
پاکستان

صدر مملکت اور وزیراعظم کی اہم ملاقات، تمام معاملات مشاورت سے حل کرنے پر اتفاق

صدر مملکت آصف علی زرداری اور وزیراعظم شہباز شریف کے درمیان اہم ملاقات، ملک کی سیاسی صورتحال، قومی معاملات اور مشرقِ وسطیٰ کی صورتحال پر تفصیلی گفتگو۔ دونوں رہنماؤں کا تمام معاملات بات چیت اور اتحادی جماعتوں کی باہمی مشاورت سے حل کرنے پر اتفاق۔ ملاقات میں وفاقی وزیر داخلہ محسن نقوی بھی شریک ہوئے

Web Desk20 نومبر، 2026
اینکر پرسن ربیعہ احسن قتل کیس میں اہم پیشرفت، اہل خانہ نے ملزم کو معاف کردیا، عدالت سے ضمانت منظور
پاکستان

اینکر پرسن ربیعہ احسن قتل کیس میں اہم پیشرفت، اہل خانہ نے ملزم کو معاف کردیا، عدالت سے ضمانت منظور

92 نیوز کی اینکر پرسن ربیعہ احسن قتل کیس میں اہم پیشرفت، مقتولہ کے اہل خانہ نے ملزم احسن طاہر خان کو معاف کردیا۔ والدہ، بھائی اور بہن نے عدالت میں بیان حلفی جمع کرواتے ہوئے موت کو حادثہ قرار دیا۔ عدالت نے ملزم کی 2 لاکھ روپے کے مچلکوں کے عوض بعد از گرفتاری ضمانت منظور کرلی

Web Desk19 نومبر، 2026