پی سی بی پیٹرنز الیون اور سری لنکا کے درمیان تین روزہ پریکٹس میچ، پہلے دن کا کھیل ختم

اسلام آباد کلب میں پی سی بی پیٹرنز الیون اور سری لنکا کے درمیان جاری تین روزہ پریکٹس میچ کے پہلے دن کھیل کے اختتام پر پی سی بی پیٹرنز الیون نے اپنی پہلی اننگز میں 15 اوورز کے اختتام پر 2 وکٹوں کے نقصان پر 43 رنز بنا لیے۔اذان اویس 19 رنز اور محمد طٰہہ 16 رنز کے ساتھ کریز پر موجود ہیں۔

اس سے قبل سری لنکا نے ٹاس جیت کر پہلے بیٹنگ کرتے ہوئے اپنی پہلی اننگز 7 وکٹوں کے نقصان پر 223 رنز بنا کر ڈکلیئر کر دی۔

سری لنکن ٹیم کی جانب سے کپتان کوشل مینڈس نے 66 رنز جبکہ لاہیرو اودارا نے 65 رنز کی نمایاں اننگز کھیلی۔ انجلا بندارا 33 رنز کے ساتھ ناٹ آؤٹ رہے۔

پی سی بی پیٹرنز الیون کی جانب سے ثاقب خان، محمد سلمان اور علی شبیر نے دو، دو وکٹیں حاصل کیں جبکہ عبید شاہ نے ایک کھلاڑی کو آؤٹ کیا۔

تین روزہ میچ کے دوسرے دن دونوں ٹیموں کے درمیان مقابلہ مزید دلچسپ ہونے کی توقع ہے۔