امریکا نے ایران پر حملوں کو پابندیوں میں منتقل کر دیا: مارکو روبیو

واشنگٹن: امریکی وزیر خارجہ مارکو روبیو نے اتحادی ممالک کو آگاہ کیا ہے کہ امریکا ایران پر مزید فوجی حملوں کے بجائے دباؤ بڑھانے کے لیے پابندیوں اور دیگر ذرائع پر توجہ مرکوز کر رہا ہے۔

ایک امریکی نیوز ویب سائٹ کے مطابق مارکو روبیو نے کہا ہے کہ فی الحال امریکا کی جانب سے ایران پر مزید حملے کیے جانے کی توقع نہیں ہے۔ ان کا کہنا تھا کہ واشنگٹن کی توجہ ایران پر دباؤ ڈالنے کے دیگر ذرائع استعمال کرنے پر مرکوز ہے۔

رپورٹ کے مطابق امریکا کی جانب سے اس ہفتے اعلان کی گئی پابندیوں کی مہم بھی ایران پر دباؤ بڑھانے کی حکمت عملی کا حصہ ہے۔ امریکی حکام ایران کے خلاف معاشی اور سفارتی دباؤ کو مزید مؤثر بنانے کے لیے مختلف اقدامات پر غور کر رہے ہیں۔

امریکی نیوز ویب سائٹ کا دعویٰ ہے کہ مارکو روبیو نے حالیہ دنوں میں متعدد غیر ملکی ہم منصبوں کو امریکا کی جانب سے ایران پر مزید حملوں کے حوالے سے اپنی پالیسی سے آگاہ کیا ہے۔

امریکی وزیر خارجہ کے ان بیانات سے ظاہر ہوتا ہے کہ واشنگٹن فی الحال ایران کے خلاف مزید فوجی کارروائی کے بجائے پابندیوں اور دیگر دباؤ کے ذرائع کو ترجیح دے رہا ہے۔