اُشنا شاہ کے ہاں پہلے بیٹے کی پیدائش، اداکارہ نے نومولود کی تصاویر شیئر کردیں

کراچی: معروف پاکستانی اداکارہ اُشنا شاہ کے ہاں پہلے بیٹے کی پیدائش ہوئی ہے، جس کی خوشخبری انہوں نے سوشل میڈیا پر اپنے مداحوں کے ساتھ شیئر کردی۔

اداکارہ نے فوٹو اینڈ ویڈیو شیئرنگ پلیٹ فارم انسٹاگرام پر نومولود بیٹے کی آمد کا اعلان کرتے ہوئے اس کی تصاویر بھی مداحوں کے ساتھ شیئر کیں۔

اُشنا شاہ اور ان کے شوہر نے ننھے بیٹے کی پیدائش پر خوشی کا اظہار کرتے ہوئے کہا کہ اس کی معصومیت اور خوبصورتی کو صرف ’کیوٹ‘ کہنا کم ہوگا۔

اُشنا شاہ کے انسٹاگرام اکاؤنٹ پر 2.3 ملین سے زائد فالوورز ہیں اور ان کی پوسٹ سامنے آنے کے بعد مداحوں اور ساتھی فنکاروں کی جانب سے انہیں اور ان کے شوہر کو والدین بننے پر مبارکباد اور نیک تمناؤں کا سلسلہ جاری ہے۔

اداکارہ کی شادی ویانا میں مقیم پاکستانی گالفر حمزہ امین سے ہوئی ہے۔ اُشنا شاہ نے مئی 2026 میں اپنے حاملہ ہونے کا اعلان کیا تھا۔

ننھے بیٹے کی پیدائش کے بعد اُشنا شاہ اور حمزہ امین کے لیے شوبز شخصیات اور مداحوں کی جانب سے خوشی اور دعاؤں کا اظہار کیا جا رہا ہے۔